黎振燁寸朱智賢主動埋身 正印謝東閔暴怒半夜點名反擊

原文刊於《東方新地》

朱智賢同黎振燁被拍車廂密會，又被影到兩人去醫院睇醫生，關係撲朔迷離，更有指已婚既黎振燁冷落腹大便便既太太，仲話男方有意離婚，不過繼朱智賢由男友謝東閔陪同回應一日後，黎振燁夾啱時間拖實老婆終於發聲。

黎振燁拖老婆現身海麗邨黎太大方回應 顯正印風範

昨晨十時許，有傳媒拍得黎振燁與黎太在海麗邨出現，當時夫婦一同穿著黑衣，手拖手逛著，黎太臉色略為蒼白但尚算精神，黎太被問到是否已原諒老公，她平靜謂：

「發生呢啲事，正常人都會嬲，但念在我哋有小朋友，又咁多年感情，希望佢公司都睇到佢咁多年付出，畀多次機會佢。」

而被問到小三朱智賢於記招上未有向她道歉，黎太大方說：「道唔道歉都唔緊要，我都擔心佢情況，希望佢快啲冇事啦！」正印風範出晒嚟！

暗示女方主動埋身 自詡「可以完全抽離」

至於還有否聯絡朱智賢，黎振燁意有所指謂：「其實我本身都唔會⋯⋯唔會特別聯絡女同事。」言下之意莫非暗示一直都是朱智賢主動埋身？而黎亦直認自己犯錯：「講到尾都係我唔啱，唔應該畀藉口自己，依家最緊要希望佢(太太)心情同身體狀況好番，嚟緊相信我都會有段幾長嘅時間休息。」記者問到是否如朱智賢所講拍劇集《食腦喪B》抽離唔到角色而出事），他稱相信自己可以完全抽離，做番幾個星期前真正的自己。且強調與朱智賢關係經歷時間唔長。

黎振燁：公司放棄我、我都唔可以放棄自己

黎振燁指這種事(出軌)一次都嫌多，他說：「老實講發生呢啲事係咪一時三刻、或者三兩日就可以完全冇事呢？咁我哋又唔可以輕易當冇發生過，畀啲時間太太，希望佢可以完全消化到件事，之後釋懷原諒我。我會行動證明畀太太睇，有啲事情人生中發生一次就夠，應該係一次都嫌多。」亦希望傳媒別再打擾臨盆的老婆。講到會否擔心被無綫雪藏、放棄，黎振燁直言：「我未必有機會再喺幕前演出，但小朋友就嚟出世，唔可以冇嘢做，就算體力勞動、厭惡性的工作我都要做，要搵奶粉錢，公司放棄我，我都唔可以放棄自己。」

謝東閔忍無可忍 凌晨直接點名開戰

而凌晨時份，朱智賢男友謝東閔忍無可忍，在ig留言：「點解一個人用完謊言巧語之後還可以站出來講大話#黎振燁」近來興起一番點名風，中國網紅周揚青與台灣歌手小豬分手，亦分別在微博出文點名數臭小豬及在ig點名叫小三愷樂染性病，估唔到向來慎言的謝東閔亦學到嘢，半夜在ig點名鬧黎振燁講大話，似乎是否指黎回應與朱之間奸情時，表示「一向唔會主動聯絡女同事」！