黃翠如大馬近照被指「靚咗」驚變外國人 舊相被網民翻熱做對比

黃翠如驚變「鬼妹仔」

到訪馬來西亞工作兼旅遊的黃翠如近日就拜訪當地老友吳天瑜，更趁住好天氣齊齊下水曬泳衣輕露香肩！不過就有網民表示，翠如近排又「靚咗」，更滲出陣陣外國人味道爭啲認唔到，當中連詩雅、陳瀅留言讚她超靚，陳敏之更指她「有啲似鬼妹仔」，不過有部分網民就留言指妝容或拍照濾鏡影響，所以才會引起誤會，連帶翠如的舊相亦被翻查。

點擊睇睇翠如舊相：

黃翠如完成隔離出關家 7字反擊「透光鼻」指控

其實翠如個樣近日不止一次受到質疑，早前她在隔離期間自拍，抬起頭讓陽光曬在臉上，口郁郁扮「吃陽光」，有網民留言指「鼻樑透光」、「透光鼻」，黃翠如即大反擊：「我的鼻非常真的。」黃翠如這次大馬之行，是到當地出席活動，近日已完成隔離出關，並與閨密吳天瑜同場出活動，相信工作後會留在當地好好敍舊﹗

黃翠如悍衛其「虎鼻」 強調冇後天加工

其實現年40歲的黃翠如，近年經常被指「愈大愈靚女」，早前黃翠如在IG貼出16歲時穿著格仔衫與現在的她做對比，即時引起網民熱烈討論，有人留言大讚她冇變過，不過，有讚當然亦有彈，也有人留言質疑翠如個鼻高咗靚晒﹗

相關文章：唐詩詠疑被指為洪永城「有刺前女友」 急po合照反擊