淪落人｜回顧59歲黃秋生80、90年代相 入行多年瀟灑型足咁耐！

撰文：東方新地｜圖片：東方新地

《淪落人》將播 回顧59歲黃秋生80、90年代相

黃秋生相隔廿年再次奪得影帝的電影作品《淪落人》，將於8月29日（星期日）下午1時15分及深夜3時15分在翡翠台播出，在睇片前，大家不妨先重溫一下黃秋生在八、 九十年代的靚仔相。

回顧57歲黃秋生80、90年代相

｜83年 演出處男劇

黃秋生82年21歲入讀麗的電視 ( 亞視 )第一屆藝員訓練班，翌年加 入劇組，處男劇《誓不低頭》演 三十年代香港黑道杜家成員之一杜世傑，卻同敵人何家勁化敵為友。

｜85年 花花帥公子

85年黃秋生離開麗的後首次參演電 影，喺《 花街時代 》演唔知生父係邊個嘅中 美混血兒，風度翩翩又年少輕狂，戲份唔多 但演繹出典型嘅美男花花公子。

｜89年 無綫代表作

黃秋生85年入讀香港演藝學院，畢業後 加入無綫，代表作係89年同周星馳萬梓良合 作嘅《 他來自江湖 》，演陰險奸詐大反派文忠 信，羊咩鬚襯張國榮的經典鴨尾頭，勁搶鏡。

｜89年混血古裝人

中英混血兒黃秋生演過洋人同匈奴人，無綫89年 《 天變 》係秋生首部以洋人樣貌演漢人嘅劇集，演明代第一門派昊天門少幫主孫剛，演得英武瀟灑。

｜90年 首拍吳岱融

90年黃秋生同吳岱融首次合作喺劇集《 天若有情 》 演同父異母兄弟，秋生演黑幫成員後改邪歸正，岱融 則演喺弟弟鄭伊健領導嘅黑幫做卧底，兩兄弟唔知對 方存在，同志伊健竟愛上呢個同母異父哥哥。

｜94年 屠夫攞影帝

黃秋生93年喺電影《 八仙飯店之人肉叉燒包 》演變態連環肢 解兇手黃志恆，片中又姦又殺，可怕得令人不寒而慄，憑神級演 技贏得94年第13屆香港電影金像獎「 最佳男主角 」。

｜95年《支疏離》奪金獎

95年黃秋生首張唱片《 支疏離 》，除一 首歌外包辦全碟曲詞，歌曲易上口，部分歌 雖含粗口，但歌詞大膽，反映社會現象非常 貼地，秋生憑呢隻碟揮低陳曉東奪「 叱咤樂 壇生力軍男歌手金獎 」。

｜96年 古惑大飛哥

《 古惑仔 》電影系列除陳浩南同山雞外，黃秋 生演嘅大飛哥亦吸粉無數，片中行為顛三倒四鍾 意挖鼻屎，無厘頭兼充滿幽默感，壞得極可愛。

｜96年 《地痞搖滾》火氣猛

黃秋生第二張專輯《地痞搖滾》，作咗三首歌嘅曲 詞，其餘搵嚟香港地下代表樂手如亞龍大、黑鳥、Blackbox等創作，今次用歌曲對社會時弊大力鞭撻，火氣極猛。

｜98年 演孤高劍聖

黃秋生98年喺《 風雲雄霸天下 》演馬榮成筆下嘅劍聖，披頭散髮眼神滄桑，演繹出 劍聖孤高超凡入聖氣派，係秋生古裝代表作。

｜02年 《Bad taste》玩惡搞

02年 黃 秋 生 第 三 張 大 碟《 Bad taste 》，除清一色翻玩如許冠傑、陳奕 等經典名曲，更隨碟附送模仿多位歌 唱片封套造型嘅歌詞寫真卡，當中最笑係將百事郭富城扮成爆腩城城。