黃子華神60歲返老還童 青春bob頭陪蘇永康慶生年輕十年
廣告
啱啱9月正式「登六」（60歲）的黃子華，多年來都keep住鋼條身形，本來已經逆齡生長，點睇都唔似60歲。日前，子華神為好友蘇永康慶祝53歲生日，更加剪咗個bob頭，還將頭髮染黑，睇落真係後生咗十年！青春返晒嚟！
原文刊於：東方新地
黃子華現身蘇永康53歲生日聚會
係人都知，黃子華同蘇永康老友鬼鬼（二人2005年在大陸合作《棟篤狀王》認識，長時間在橫店拍攝成為好友），子華神同蘇康更同是9月生日，啱啱9月5日，過咗60歲生日嘅子華神，呢日就特別幫老友蘇永康 慶祝53歲生日，同場還有梁漢文夫婦同埋蘇永康一家。
IG短片爆黃子華神陪契仔赤腳踢波！
係人都知子華神勁錫契仔（蘇永康兒子）Jazz，原來同蘇康慶生前三日，子華神就喺蘇康屋企陪契仔踢波，當時仲邊踢邊同蘇康閒聊，佢話：「即係上堂成班細路喺度踢呀！」又問到「係咪要戴住口罩踢？唔係戴住口罩踢咁慘吓話。」蘇康仲答佢話唔知：「應該要！」之後，蘇康將踢波片上載到IG，仲留言寫話：「難得契爺有興趣陪Jazz踢波，大人細路都咁投入，贏輸冇乜所謂！感恩！」
蘇永康買入北角雲峰大廈、兩年前做埋黃子華鄰居
2018年蘇永康以2,830萬買入北角雲峰大廈做埋黃子華鄰居，子華神探契仔真係行幾步就得！之前蘇康試過大爆黃子華染白頭髮嚇到Jazz爆喊，超搞笑！依家子華神剪咗個Bob 頭，返老還童，契仔Jazz就唔會唔認得佢啦！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
資料或影片來源：原文刊於東方新地
