黃偉文公開薛凱琪「私藏肉照」賀43歲生日 最新造型撞樣徐小鳳
廣告
被內地網民譽為「香港最後一個少女」的薛凱琪(Fiona)近年將發展重心移往內地,並在不同的綜藝節目中亮相,成功收穫唔少人氣!日前(11日)薛凱琪就迎來了43歲生日,而Fiona亦獲移民英國的填詞人黃偉文(Wyman)在社交平台上送上的生日祝福,Wyman更表示Fiona的「絕密相」仲有唔少喺自己手上……
薛凱琪「私藏肉照」被公開
黃偉文日前在社交平台上發文為薛凱琪送上生日祝福,Wyman更上載1張薛凱琪的「肉照」,並配文:「有一段相當長嘅日子,我哋從來都唔會缺席對方嘅生日會。(所以呢種「絕密相」你仲有好多唔同款嘅喺我手上)」「我非常鍾意你呢張肉照」其實照片係薛凱琪對住以大嚿肉代替生日蛋糕許願的畫面,黃偉文除咗透露照片係於2019年影落嘅,仲搞笑表示「我都想要咁大嚿肉代替生日蛋糕」
![黃偉文 薛凱琪 黃偉文日前在社交平台上載薛凱琪的「肉照」,並配文為對方送上生日祝福。(圖片來源:IG@concertyy)](https://imgs.weekendhk.com/wp-content/uploads/2024/08/image-8183774_2794925266b9cfbc49008-1024x1024.jpeg)
薛凱琪最新造型撞樣徐小鳳
薛凱琪最近在內地頻頻出席各大綜藝節目以及登台演出,上月尾Fiona就出席了由啤酒品牌所舉辦的演唱會,當日薛凱琪以貼身長裙示人,大騷fit到漏的身材!薛凱琪更演唱了首本名曲《奇洛李維斯回信》,獲不少人大讚唱功有進步。不過大部分網民的焦點就擺咗喺佢意外撞款小鳳姐的造型上:「小鳳姐咁」「第一眼望埋去我都覺得係小鳳姐」「差條波點裙就變成小小鳳姐!」「勁似徐小鳳!!!」
![黃偉文 薛凱琪 薛凱琪早前出席由啤酒品牌所舉辦的演唱會,並以貼身長裙上陣,大騷fit爆身材,不過就被唔少網民表示撞款小鳳姐!(圖片來源:IG@physit、視覺中國)](https://imgs.weekendhk.com/wp-content/uploads/2024/08/-2024-08-12-5.15.58_179570726866b9d2d976561-1024x538.png)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!
撰文:東方新地圖片來源:IG@concertyy、IG@physit、微博@薛凱琪、視覺中國