63歲魯振順恨生B 爆未婚妻食中藥通經 重遇41年前同學譜黃昏戀
文:東方新地 |圖:魯振順微博、FB圖片、劇照
魯振順:希望佢可以再撻番著
魯振順指未婚妻Julie沒有其他親人,因此置辦嫁妝一事亦由他陪伴前往,兩人一邊買金器和鑽戒,一邊親密咀嘴,非常Sweet,魯振順更直言兩人都非常恨生B,因此他已準備去驗精,而57歲的Julie亦正在試用中藥調理身體,希望能成功通經,有得排卵生B。
63歲的魯振順說漏了嘴爆了57歲未婚妻Julie已沒有排卵,故二人也希望經中醫調理後會可以「撻番著」,二人對生B都抱有希望,更指醫生都表示曾有成功個案,希望能順其自然成功懷孕。同時魯振順又爆未婚妻因為為生B去驗身而得知子宮生了息肉,要進行手術切除,因此他也表示生B一事要順其自然。魯振順表示雖然恨做爸爸,不過最緊要大家身體健康,若然未能有小朋友,又可以四圍去旅行,不用負上照顧小朋友的責任。
未婚妻是41年前認識的女同學
人稱綠葉王的魯振順早前在新城節目《BiLiBALA開大喇叭》訪問中表示「經常被傳話gay」,隨後自爆婚訊,魯振順指得到高人指點改名為「釋禧」後,便重遇41年前一同參加歌星選拔賽時結識的女同學,剛踏入63歲的魯振順透露女友比他年輕六年:「嗰時我哋有一齊上堂,不過因為我要兼顧訓練班,冇出席同學聚會,交流唔多,喺舊年8月女友睇完我啲訪問後,了解我多咗就主動搵番我﹗」去年8月再聯絡,11月見面約會,現在已談婚論嫁,希望疫情後大排筵席。
魯振順話好相信緣份,又感到是過咗身的媽媽的安排,魯振順話:「2017年媽媽離開咗,我好唔開心,點知無耐女友就出現,女友都話可能係媽媽派佢嚟陪我,我第一次食女友包嘅餃子,我食咗一啖就喊,因為個味道同媽媽整嘅係一樣,個感覺特別warm,我會好好珍惜呢段情!」
魯振順透露一直渴望組織家庭,只是一直遇唔到心上人,佢話:「見到陳榮峻同吳香倫結婚,我就好嚮往,會諗唔知幾時到我,好感謝上天安排呢段黃昏戀畀我!」魯振順又話計劃結婚,不過一切待疫情過後才舉行,但必定會大排筵席,我哋會上台合唱,或者將啲人情部分捐出去,婚禮會交畀女友負責,魯振順話:「女友話幫我爭番口氣,唔好成日畀人話我係gay!」
64歲魯振順曾割脈自殺
現年64歲的魯振順於TVB劇集《婚姻合伙人》中飾演貝競枝(高海寧飾)爸爸貝勒,因角色惹人討厭而引觀眾注目,然而,身為TVB綠葉王之一的魯振順入行至今捱足四十多年,但原來曾因一事疑割脈自殺!
現年64歲的魯振順入行43年,中學畢業後因自小已希望加入娛樂圈,故其後參加第8期TVB藝員訓練班,1978年畢業後入行,曾先後於TVB及ATV演出。多年來拍劇無數,總共拍過逾140套作品,產量相當高,可是一直只是TVB御用綠葉演員,未能一嘗主角滋味。
被金庸讚賞
講到魯振順最令人印象深刻的,相信一定是他所演的陰柔角色,不得不提1996年於《笑傲江湖》中飾演的東方不敗一角!由於他完美演活東方不敗空虛寂寞的陰陽性格,故曾被金庸讚賞:「筆下嘅東方不敗就係咁嘅一個人。」
除此以外,他亦演出過多個經典角色,例如《封神榜》的比干、《楚漢驕雄》的蕭何、《溏心風暴之家好月圓》的英律師、《巾幗梟雄之義海豪情》的蔡大鳳等,一一都令人記憶猶新。
曾割脈自殺
不過,原來魯振順亦曾經歷過人生低潮!1985年因向拍拖七年的女友求婚被拒兼分手,分手後前度才透露曾為他墮胎,令他造成極大傷害,加上事業不順, 因感慨自己事業一直未有起色,一度情緒低落,更因長期睡眠不足下,令情緒更不穩的狀態下曾於卡拉OK廳後隨手拿起一塊破碎的滅火箱1吋厚玻璃,對著手腕割下去,事後更留下一條深深的刀痕。 雖然情路上受過傷害,但都會等適合的另一半出現,對愛仍有期望,終於他等到了!
對此,魯振順曾表示:「當時我接一個得5集嘅劇,拍咗足足2個月咁耐,我好唔開心。到我拍完最後煞科戲去食飯,點知一個電話打來,叫我第二朝開『零六』,補拍一個鏡頭!我就捉住別人去飲酒飲到喊,又喊又唔俾人走。人哋講返我把聲又突然變得好粗豪,去完廁所嘔,就打爛滅火器塊玻璃,喺電梯度割脈,不斷重複呢個動作,血標到四圍都係!我當時根本唔係一個人,我都唔記得自己做過呢件事。後來我被送去醫院,原來我已經割到見埋骨,9條筋斷咗要駁番佢⋯⋯」
事後,他開始信奉佛教,明白人生不如意事無需過份放大,對事情不要過於計較及執著。因此,魯振順亦不再不計較自己只做配角。另外,曾接受正統聲樂訓練的他認為自己可以閒時出show唱唱歌已經很滿足。
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!