51歲魏駿傑賣獨立屋套現獨力養8歲女 嫩妻狠撇、疫情影響冇工開

原文刊於《東方新地》

早年北上搵食的魏駿傑，曾講過最大得著之一是娶到細他廿年 的重慶嫩妻張利華，結婚十一年，前妻依然芳華正茂，近年樣貌身 材突變 keep 住戰鬥格， 51 歲魏駿傑卻失修發福變中佬。即使張利華曾被影到與前港隊單車手鄧宏業親密約會，魏駿傑繼續自欺欺 人，為力挽婚姻以 1,600 萬買獨立屋加埋老婆名。

嫩妻啜外籍男 失婚失業魏駿傑賣獨立屋套現

之後張利華被斷正啜外籍男，正式宣告離婚，無得再自己呃自己，魏駿傑毅然承擔起照顧女兒當單親爸爸的責任。近月因疫情影響，內地冇工開，魏收工亦大不如常，將當年用來箍妻的愛巢變賣套現，更有意移居去大馬展開生活，他自覺大馬讀書比較輕鬆，生活亦比較悠閒，適合愛女，一切以女為先，果然是廿四存好爸爸！

與外傭協力湊女 家居變補習社

據報導魏駿傑現時與外傭姐姐同心協力照顧 8 歲的 Jessica ，張利華早已完全絕跡西貢「愛巢」，可憐魏駿傑變成帶女洪郎，留港做湊仔公，疫情下與女兒留在家內補習功課。其實早已對魏駿傑有嫌隙兼有離心的張利華，近年把老公與女兒都置之不理，化身無腳彩雀周圍飛，她不時在社交網晒外遊歎世界的照片，生活多姿多采如單身。魏駿傑與外傭姐姐同心協力照顧 8 歲的 Jessica ，張利華完全 絕跡西貢愛巢，可憐魏駿傑變成帶女洪郎，留港做湊仔公。

魏駿傑重慶前妻豪遊冇影

正所謂識時務者魏駿傑，家有相差廿載不安於室嫩妻，雖多次盛傳婚姻亮紅燈，但他拒 絕接受事實。五年前老婆張利華被影到與前港隊單車手鄧宏業在街上表現親密，有指二人暗交 一段時間，而當時張利華已拋下夫女，甚少返家。為留住張利華，魏駿傑用1,600萬買入西貢 獨立屋，為妻女打造一個五星級的家，又在西貢與友人合資搞泰國餐廳，兩公婆更公開 上演大龍鳳，魏駿傑仲話自從獨立屋加了老婆名，對方態度唔同晒：「老婆有嚟餐廳幫手，大 家都成長咗，華華（張利華）變好咗好多，佢嘅改變好大。不論對我嘅語氣，同對呢頭家嘅投入 感。」事實上，張利華也曾修心養性了一段小日子，不過很快又再故態復萌。

家醜不出外傳

最近，張利華又再拋低屋企頻頻出走，其行蹤遍布歐洲及東南亞各地，上載於社交網的 照片多是穿上性感泳裝享受陽光與海灘，又或者置身友人飯敍及開派對，其生活非常富貴與寫 意，但卻完全沒有與老公魏駿傑或女兒的合照，而原本五官與身材都平平無奇的張利華，好明 顯已面目全非，穿上泳裝更展現豐滿上圍，與十一年前的結婚照相比，簡直是判若兩人。知情 者透露：「傑仔（魏駿傑）早年為咗頭家喺大陸狂搵錢，初頭係忽略咗老婆同個女，不過近年佢 都好努力去補救，錢佢大把，老婆要乜佢都盡量去滿足，但當個女人個心已經唔喺度，佢做乜 都冇用，傑仔明知段婚姻有問題出現，但唔想去面對，佢繼續個個月畀錢老婆使，好似人肉提 款機咁。張利華依家成日唔黐家，連個女都不聞不問，傑仔將所有時間同心機都畀晒個女，大 陸啲生意都上晒軌道又有合夥人睇實，佢減少返大陸工作，想將工作基地移返香港。」

6月9日（星期日），魏駿傑一早親自帶女外出 參加活動，兩父女之後返家，泊好車後魏駿 傑為女兒拿住樂器，慈父樣出晒嚟。

魏駿傑曾公開被問及婚姻狀況，當時他仍矢口否認與 老婆張利華聚少離多，還表示老婆忙於做其時裝生意，而他亦 不時要返內地工作，所以兩公婆要互相體諒及分工合作，輪流 照顧8歲的女兒Jessica，不過事實上與他並肩作戰打理頭家的 卻是另有其人。

之後張利華被斷正啜外籍男，正式宣告離婚，無得再自己呃自己，魏駿傑毅然承擔起照顧女兒當單親爸爸的責任。近月因疫情影響，內地冇工開，魏收工亦大不如常，將當年用來箍妻的愛巢變賣套現，更有意移居去大馬展開生活，他自覺大馬讀書比較輕鬆，生活亦比較悠閒，適合愛女，一切以女為先，果然是廿四存好爸爸！

湊女親力親為

不經不覺，魏駿傑的8歲女兒Jessica已讀小學三年級，近 年沒有媽媽在身邊，除了爸爸魏駿傑，最親的人就是外傭姐 姐。本刊記者連日在魏駿傑位於西貢的獨立屋愛巢等候，發現 平日都是魏駿傑車載外傭及女兒返學及放學，在6月7日端午 節，外傭姐姐都冇假放，陪住魏駿傑父女外出游龍舟水，每次 出入都「一家三口」，而Jessica與外傭姐姐的關係亦非常密 切，泊好車後返家短短的幾分鐘路程都要翹到實黐住行。

端午節當日（6月7日），魏駿傑帶住囡囡及外傭姐姐返家，公眾假期老婆都係唔見人，外傭姐姐 繼續做魏太替身，似足一家三口去完街。

據知情者透露：「老婆唔喺身邊，傑仔又要行開行埋打理 生意，所以外傭姐姐變咗佢嘅好幫手，最主要都係陪實同照顧 個女，始終屋企有個女人方便啲。不過傑仔亦唔想完全依賴外 傭姐姐，佢對個女照顧係非常無微不至，兩父女放假可以全日 唔出街，傑仔亦會親手煮飯畀個女食，仲係餐餐唔同餸，一定唔重複。傑仔覺得老婆已經掉低頭家唔理，佢更加唔可以走咗 去，盡可能都會日日親自湊女返學同放學，佢仲抱有一絲希 望，希望張利華玩夠會返屋企。」

覆水早已難收

魏駿傑為頭家付出甚大，現在更父兼母職，不過只有31歲的 張利華始終無動於衷，沉醉於吃喝玩樂繼續享受扮單身，可見夫 妻生活亦早已名存實亡。據知當年嫁魏駿傑來港生活，張利華已 為自己定下明確目標，要向上爬過自己嚮往的人生，八年前生女 後，只在頭幾年有盡母親責任照顧女兒，近年她開始花錢為自己執靚個樣，打扮亦花枝招展，周身名牌與包包，而交友圈亦愈來愈廣。四 年前張利華愛上踩單車，更與前港隊單車手鄧宏業傳婚外情，之後她仍然 不避嫌，繼續參與友人的單車聚會及飯局，然而沒有一次是與老公魏駿傑同行。

近月，張利華的朋友圈就更加神秘，就連魏駿傑都不在其社交網朋友 之列，而她所拍的照片全是性感照及開P照，當中不乏與異性的親密合 照，更甚是張利華身穿兔女郎服飾意態撩人，左扭右擺夾在兩男中間。一 個男人胸襟要有幾闊先可以容忍老婆在外夜夜笙歌唔黐家？今時今日，魏 駿傑仲會唔會為覺得娶到張利華而自豪？錢又使咗不過老婆依然留唔 住，睇嚟最後都係同個女相依為命。

二千萬獨立屋留唔住

十一年婚姻多次傳婚變，不過魏駿傑仍 存希望，兩年前搞泰菜帶埋老婆張利華出來 當眾咀嘴晒恩愛，他更以為錢可以萬能，除 咗全力賺錢養家，仲用1,600萬買入西貢獨 立屋（現市值已過二千萬），加埋老婆張利華 個名，為妻女打造5千呎五星級的家，包食 包住包買名牌再包攬埋湊女工作，可惜老婆 個人同個心，一樣都係留唔住。

老婆張利華離隊享受單身生 活，留下餅印女給魏駿傑照 顧，父女感情深厚，魏駿傑 錫到個女燶。