「鬼后」王玉環轉行保險撈得掂瑰麗宮廷大宴親朋

新假期 - 影視

Dec 31 2020

廣告

年過六十依然美麗如昔的圈中凍齡美人，趙雅芝絕對榜上有名。11月15日生日前夕，就同老公黃錦燊約埋一班同輩圈中好友到老相識王玉環家中切餅慶祝。66歲趙雅芝固然靚到似食咗防腐劑一樣，不過成輯生日 P 個個都錯重點，焦點放晒喺主人家王玉環靚到宮廷一樣的豪宅上。

原文刊於《東方新地》

王玉環轉行保險撈得掂

九十、00後可能陌生啲，不過被港產片養大嘅一代華人無人不識八十年代有鬼后之稱的王玉環，當年靈幻系列、殭屍系列、猛鬼系列港產片，王玉環套套有份、套套都係做鬼后。不過九十年代初殭屍片末落、開戲不足之下，王玉環把心一橫改行做保險。苦心經營二十多年，王玉環已經升為保險公司高級區域總監，連續十六年百萬圓桌會會員，屋企無番咁上下金碧輝煌，點襯得起咁顯赫嘅業績同職位呀？

11月一眾好友為趙雅芝慶祝66歲生日，王玉環作為主人家發相，超豪家居亦因此曝光。

客廳一角，可見每個角落都擺滿貴價鮮花、銀器茶具極為講究。

一眾友人坐在飯枱舉杯合照，可見王玉環豪宅樓底高裝修富麗堂皇，巨型水晶燈宮廷式餐具餐枱還有角落的大紮鮮花，每個細節盡顯豪氣。

晚餐飯桌布置更加講究，盡顯豪門氣派。

識搵錢更識享受，隨意一餐下午茶，全套銀器加埋精緻甜點同悉心布置，比起五星級大酒店有過之而無不及。

王家環境非常幽靜，還有特大露台對住極致山景，一睇露台放滿各種鮮花，就知女主人花了不少時間心機打理。

林作母親 Lily 同王玉環是好朋友，據知是王玉環建議世姪林作踩入保險行業。

雖然離開娛樂圈多年，王玉環依然好多圈中朋友如鄭明明等，家中的梳化、牆紙風格一致，非常貴氣。

16年出任高級區域總監時，好友黎燕珊亦是座上客之一，二人關係友好多年，黎燕珊亦經常上王玉環家中聚會。

除咗圈中朋友，位高權重人緣又好嘅王玉環還經常招呼大小朋友回家聚會，睡房闊落到可以當背景影相，大浴缸更是三個中童瞓落仲有位，對住美景浸浴放空夠晒享受。

將來還有什麼演唱會值得留意？

有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞

王玉環娛樂熱話

資料或影片來源：原文刊於東方新地