馮盈盈廣州街頭被野生捕獲 原圖曝光慘遭網民連環狂嘲路人樣

馮盈盈罕有北上被網民野生捕獲

日前有網民以「馮盈盈來廣州了！」為題，上載在廣州街頭遇到馮盈盈嘅照片。該網民除咗曬出馮盈盈嘅照片外，更配文大讚馮盈盈樣貌精緻：「五官很精緻！都說現在在廣州很容易撞見港星，終於讓我撞見一次了」

帖文隨即引來唔少網民留言，更有人對於馮盈盈罕有現身內地表示好奇：「屋企人又放心佢北上」、「唔係話屋企人唔放心上大陸咩？」

馮盈盈原圖狀態引網民兩極討論

更有唔少網民直言馮盈盈嘅原圖狀態好普通，與路人無疑：「睇落好普通喈，條街大把人靚過距」、「咁叫靚，估計係街見到都認唔出」、「咪又是廣州妹一個」、「一般般，個樣好街，興盛路行一轉大把靚過佢」

對於網民狠批馮盈盈路人樣，亦有唔少人留言反駁：「全天然已經贏晒啦」、「路人就唔會一眼認出啦」、「大把人靚過佢？邊度？願聞其詳」、「港女黎講佢算超正架啦」、「FYY是近十年最靚港姐冠軍之一」

馮盈盈親揭雪藏傳聞 拒北上拍攝辭演重頭劇 網民憑線索估係呢套！

前港姐馮盈盈奪冠後即受無綫力捧，無論大騷主持還是劇集節目都有佢份，不過2023年就突然傳出馮盈盈被無綫雪藏。對此馮盈盈就雪藏傳聞首次作出回應，並自爆後悔辭演某套TVB重頭劇。網民都猜測馮盈盈所提及的重頭劇是指《一舞傾城》，更推斷她原本於劇中可能做「此角色」！

馮盈盈後悔辭演重頭劇 拒絕北上拍劇

馮盈盈接受傳媒訪問時，再次談及拒拍一事，並表示：「曾經因為過某啲原因，我屋企人啊，同埋我自己心情上嘅一啲情況呢，令我失卻咗同錯過咗一啲工作機會，例如可能係某套劇啊」。而馮盈盈隨後亦透露該套劇集的更多線索：「有一個北上拍劇嘅機會，但係我冇辦法勝任，做唔到。」

馮盈盈亦自爆箇中的原因：「因為係疫情期間，嗰段時間其實我屋企人都唔舒服，所以如果要北上，離開香港一段時間就會有少少難度」、「再加上嗰套劇嘅角色亦都係非常之重，我好擔心自己會好掛住屋企嘅情況而分心，就好似浪費同影響咗整個劇組同其他人」、「自己嗰時又信心不足，好可惜咁就錯過咗」。

網民估「重頭劇」係《一舞傾城》

該訪問一出，網民都紛紛討論馮盈盈所指回內地拍攝的「重頭劇」就是近日熱播的《一舞傾城》，由於《一舞傾城》不少取景地都在佛山拍攝，加上馮盈盈提到該角色戲份重，所以網民就推斷馮盈盈原本出演的角色應該就是蔡潔所飾演的「Monica」或陳星妤所飾演的「KK」。

親揭被雪藏傳聞

去年馮盈盈突然傳出被雪藏，再加上馮盈盈後來成功通過CFA Level 1考試，又報讀港大碩士課程，令外界都猜測馮盈盈是否準備鋪路轉行。馮盈盈亦就此親揭被雪藏傳聞，她澄清公司並沒有雪藏自己，反而給予很多機會栽培她，只是自己希望利用休息的空擋，去做想做很久的事情，去追求未完成的夢想。另外，馮盈盈現身為節目《醫度講》錄影時，就再次就當時被外界指自己被公司雪藏論澄清，再指出當時因為自覺能力不足，浪費大好機會更致情緒低落，加上公司特別安排為自己減少工作爭取休息，就令自己更加覺得對呢個傳聞唔好意思。

https://youtu.be/95V4pNjvtyU