馮盈盈黃色底子改不了 講人生意義都與性有關！

撰文：東方新地｜圖片：TVB截圖、網上圖片｜編輯：C Lam@Central

馮盈盈黃色底子改不了

最新一集《後生仔傾下偈》中，6號一開波就話個節目本身就會討論好多學術性嘅話題，但就因為有「性博士」馮盈盈同麥明詩嘅存在，加上有時佢哋兩者經常嘅相互配合，結果引致次次都會令每集所討論嘅主題都變得冇咗學術，只淨性嘅主題。

本身諗住咁講就可以避開馮盈盈講性，點知被6號曲線「投訴」嘅馮盈盈就當然唔服氣，即刻話關佢咩事。

再隨即反駁，指：「性都可以好學術性，只要夠深又夠入……」講嘅同時再配合埋手勢，真係睇得出佢黃色底子改不了。

坐喺盈盈隔籬嘅6號為免佢再講落去會將話題再次轉移到性方面，於是就叫停馮盈盈，就話要講啲有涵養嘅話題，之後就講出今次要討論嘅主題係「人生的意義」。

馮盈盈講人生意義都與性有關

當一班後生仔講完自己覺得嘅人生的意義後，馮盈盈就開始分享佢自己嘅睇法，仲好認真咁講：「所有生物生存意義就係為咗繁殖同傳宗接代，所以如果你唔生仔唔交配，真係無意義，浪費上天畀你嘅生命。」

聽完盈盈呢番說話，好似好啱咁，而6號就好疑惑咁問：「所以人全身都係繁殖器官？」

之後，「性博士」就開始講述人類嘅進化論，而一向黃底子嘅馮盈盈正經咁講出物競天擇論， 一切自然少不了就會提到性嘅話題。

佢指地球有一半生物嘅睪丸都喺體內，「不過因為太熱，所以啲精死晒，生唔到仔，最後就得番睪丸在體外的生物存活。所以當你見到啲人體結構都係幫到你生BB，每次小便時都見到，咁你仲要唔努力啲？你點可以浪費咗佢……」

當佢好正經咁講完一大輪後，自己都忍唔住自己所發表嘅「偉論」，最後大笑出嚟。

馮盈盈仲話自己曾經諗過因為怕辛苦兼生仔會有危險，而打算唔生仔，但一諗到可以令人類繼續發展，佢變得咩都唔驚，兼即時改變諗法！唔知大家聽完「性博士」嘅「偉論」後又有冇同感呢？

馮盈盈繼續性博士上身

最新一集《後生仔傾下計偈》就繼續探討「AV成人影片」話題，馮盈盈依然「性博士」上身，當一眾後生仔講到伴侶性慾較強該如何解決，馮盈盈即以食飯作比喻，即話如果對方食完唔夠飽，就畀佢自行解決！

隨即就有後生仔提出，此舉咪相等於畀機會對方出外偷食，但「性博士」就立馬否認，並解釋指若然對方明明食得唔夠飽，但仍然會選擇自行填肚，都唔搵其他廚師，咁就係對方愛自己嘅表現。

講到七情上面之餘，仲言之鑿鑿咁，唔通馮盈盈自己都親身經歷過另一半食唔飽嘅情況？

之後，陸浩就問馮盈盈，若然男友手赲，想睇烹飪片，但唔睇佢反而睇蒼井空咁有冇問題，馮盈盈相當大方話冇問題！

連AV專家馮盈盈都覺得蒼井空好吸引，語氣非常敬佩，並以老師專稱蒼井空，話唔定盈盈都係蒼井老師嘅「學生」，跟老師學習過。

唔少網民就討論究竟馮盈盈係開廠前做足功課，定係平日真係有睇開，皆因佢數出唔少AV片種！

馮盈盈自爆似AV女優

重點係佢仲自認自己似AV女優桃谷繪里香，當陸浩話唔識嘅時候，佢仲大聲叫阿陸上網搵吓！

馮盈盈自爆係神級AV專家

近日，節目講關於「AV成人影片」嘅話題，而出晒名爆肚王馮盈盈就喺節目中再次爆肚，提到AV初體驗！首先，陸浩問到現場多位認為睇AV是否有好處時，馮盈盈率先表示贊成，之後仲好似專家上身般，分析不同作品種類，非常專業！

馮盈盈形容睇AV似打網球

其後，馮盈盈提到「有啲係時間停止，兩個人就會疊埋一齊」，之後又以「跨種族的愛、多元種族融合」去形容AV，幾美好！佢更形容睇AV似網球，因會發出「啪啪啪」聲。

馮盈盈行事小心

提到講到AV初體驗，馮盈盈表示自己曾經試過下載台劇，但點知一開係AV，搞到寶貴嘅第一次就咁無咗。其後，佢仲話：「要收埋自己的瀏覽紀錄，或者揀線上瀏覽，唔好下載，因為下載咗好易有紀錄。」做事果然夠小心！

之後馮盈盈反教六號下載攔截廣告app，同場有KOL表示有個app可以將所有下載作品存起來，並需要密碼才可以開啟。

馮盈盈聽到呢度，就即刻表示知道，仲話「啊！play得好安全。」馮盈盈真係非一般咁了解！

馮盈盈心跳回憶之第一次約會

《後生仔傾吓偈》搵嚟貼地爆肚達人馮盈盈，高智慧抽水王麥明詩，同埋要幫佢兩個兜嘅陸浩，呢個3人組真係配合得天衣無縫！有次，節目講關於「人生的第一次」嘅話題，而出晒名嘅爆肚王馮盈盈就喺節目中再次爆肚，講番第一次約會嘅情況！

首先，馮盈盈就個話題搶先話自己記得當年第一次嘅約會，聽到咁，好奇心極重嘅陸浩就梗係追住嚟問佢問題啦！

結果，馮盈盈爆響口話自己初戀係19歲，之後開始講番自己首次約會嘅情況，提到當時約會嘅時候都仲未係男朋友。

馮盈盈第一次約會「濕晒」

馮盈盈可能回憶緊第一次初戀約會嘅回憶，愈講就愈緊張，愈嚟愈就口窒窒咁，仲話約會當晚就一齊咗，然後就拖手，話自己睇落表面好似好平靜咁，但實際內裡就好緊張，所以勁多手汗！佢仲話：「到隻手啲汗已經滴緊落地下。點知要拖手喎，真係想死。」

馮盈盈話：「嗰陣已經係抹乾晒都繼續濕嘅程度，搞唔掂。」聽落咁都真係幾嚴重下吓。

濕完又乾，乾完又濕嘅馮盈盈，就繼續停唔到口咁繼續講落去自己對手有幾濕嘅情況。

麥明詩智慧抽水

聽到呢到度，麥明詩終於忍唔住口要抽一抽佢水，講番句：「總之我聽到你係咁濕啦…」

被麥明詩乘機抽咗一下水嘅馮盈盈就梗係唔尷尬啦，繼續講：「濕晒，個地下都濕埋，點知佢拖完就話好濕，我話係呀，我掂到男仔手就會緊張。但係嗰刻佢好浪漫，話唔緊要無問題我鍾意。」