馬國明連環失落視帝兼情場失意 孝順仔有媽萬事足
廣告
今年視帝大熱馬國明出名是娛樂圈乖仔，人緣好又無野心，不知是否這樣，入行20年雖然有多部代表作，但最後都是陪跑收場，未能封帝。年初又發生「安心事件」，情場事業皆失意，不過馬明一於少理，繼續孝順仔上身，有時間就陪家人外出，實行有媽萬事足！
馬國明年初遇「安心事件」被背叛終學精
出名係好好先生兼聽教聽話的馬明，試過被舊愛黃心穎背叛，「安心事件」搞到分手收場，學精都係時候。
三度坐歪做二奶《降魔的2.0》被抽
馬明多年來有唔少發揮機會，近年更成為無綫台柱，有過唔少大熱作品彈出，演醫生受歡迎，亦唔係今時今日嘅事，早於12年他已在《 on call 36小時》演才華橫溢暖男「一件頭」人氣急升，不過贏民心未贏到好運，最終還是同視帝擦肩而過，只能攞到「最受歡迎電視男角色」獎，17年再次有大熱作品《降魔的》又敗給王浩信，上年《深宮計》已是第三次攞「最受歡迎電視男角色」，三度坐歪做，二奶。原本被安排是今年台慶劇的《降魔的2.0》，又因後期製作未完成上唔到，事業運認真麻麻。
人緣好錫家人馬明有媽萬事足
不過孝順仔馬國明，對家人照顧有加，16年以二千多萬買入太古城複式單位，亦與家人同住，早前再入市購入數百呎細單位作收租之用，賺錢投資全為想改善家人的生活質素。今年六月，本刊更拍到他拖住阿媽行街食飯非常溫馨，早前拍完 《使徒行者3》，收工亦趕回家陪阿爸撐枱腳，絕對是絕種好男人典範。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
