港姐2024｜落選程姜月Ig8字疑暗示佳麗雙面人 網民重提莊子璇被追擊事件
廣告
《香港小姐競選2024》結束後仍然話題不斷，除咗3甲佳麗嘅表現備受網民關注之外，亦有網民為大熱但落選嘅佳麗感到唔抵！而「翻版蔡潔」13號程姜月（Dolores）雖然係賽前大熱，但係就15強止步，令唔少網民都話好可惜。日前（16日）程姜月就突然喺社交平台出story，更以8字疑似暗示佳麗中有雙面人……
香港小姐2024｜落選程姜月8字暗示佳麗雙面人
程姜月日前突然在社交平台上載黑底白字嘅限時動態，並寫上「先學做人 再學做戲」，疑似暗示佳麗中有人係雙面人！而程姜月嘅8字限時動態除咗令人摸不着頭腦之外，亦引起網民無限猜測！
香港小姐2024｜網民重提舊年落選佳麗疑追擊冠軍莊子璇事件
程姜月嘅限時動態除咗引起網民猜測之外，仲令人重提去年港姐決賽後，同樣有落選佳麗在社交平台出po直指有人「好能裝」，更被猜測係追擊該屆嘅冠軍莊子璇，引起無限爭議！因此今年舊事再現令大家猜測程姜月是否好似上年嘅落選佳麗咁，想出po玩大踢爆！
香港小姐2023｜落選港姐胡睿涵IG發文「好能裝」 疑用諧音暗寸冠軍莊子璇
《2023香港小姐競選》雖然圓滿結束，但賽後話題依然不斷，除了14號黑面港姐陳怡名（Zora）喺IG反擊網民後，另一位落選的佳麗6號胡睿涵（Hanna）亦在IG出征！除咗上載了一張「梗圖」疑似暗寸冠軍外，還親自回應網民的負評，而友誼小姐8號姜依宁的留言亦引起另一番罵戰！
香港小姐2023｜落選佳麗IG出「梗圖」 暗示有人很能「裝」
落選的6號胡睿涵於個人社交平台上載了一張「梗圖」，並配文表示：「不做評價」。有網民指出「裝」與「莊」同音，圖中的「好能裝，像你一樣」亦被指暗寸冠軍15號莊子璇！而本尊亦有親自回覆網民的負評，又稱：「我服，我替別人不服」，疑似暗示不滿賽果。
《香港小姐2024》總決賽結果是?
《2024香港小姐競選決賽》於9月15晚舉行
撰文：東方新地圖片來源：Ig@dlres___k、youtube@TVB (official)
