郭珮文貼身衫騷「最強body」實力 在場男主持唔敢直視！

郭珮文「最強body」獲讚受男仔歡迎

郭珮文以灰色 T-Shirt襯牛仔褲登場，雖然打扮得十分簡單，但係仍然擋唔住好身材，除咗獲麥玲玲大讚係「最強body」之外，更令在場男主持蔡景行3字形容「唔敢睇」！麥玲玲一嚟就問郭珮文「到底有冇女仔朋友」「人哋會唔會敵視你」獲Juliana天然呆地表示「有，全部都係女仔」

麥玲玲隨後就表示對郭珮文的初印象都係唔太講嘢，只係負責「齋坐」。不過麥玲玲就稱雖然Juliana好內向，但係就「絕對覺得男仔係會喜歡呢種女仔」。

郭珮文直言唔怕爛桃花

郭珮文喺節目中大方分享自己嘅擇偶條件，並表示另一半最緊要係有責任感同包容性。郭珮文更直言自己唔驚爛桃花：「如果你直接想玩，如果我覺得你OK，咁我⋯⋯你咪呃我感情，因為咁樣就是渣男，渣男目的可能是想瞓覺，但他先呃你感情，得到想要的東西就走咗去，嗰啲男仔就唔欣賞。」

節目播出後，郭珮文（11日）出席 《2024 香港小姐競選》 排練，接受媒體訪問中直言遇過渣男，更表示佢哋多數都係「想同你瞓覺」，不過就用唔少糖衣炮彈做藉口同自己相處，不過就好似自己喺節目中講嘅「瞓完覺之後就走咗去」。不過Juliana就坦言呢個經歷唔係太傷心，更大方稱有從中學到嘢以及日後會更小心。

郭珮文對酒精過敏 爆香港男士唔夠膽對自己做1件事

郭珮文坦言自己有社恐，再加上會對酒精過敏，因此多數都唔會去party。郭珮文大爆自己喺香港從來都未試過畀男仔搭訕，仲搞笑表示可能大家覺得自己「臭口臭面」。不過就獲在場的男主持表示：「其實我哋真係會怕，見到佢唔講嘢，而且身材咁好，咁好多人就會設定佢已經有男朋友」