香港小姐2024｜4號謝淑怡獲封港姐好聲音 即席伴奏開金口嚇親觀眾！
廣告
《2024香港小姐競選》已進入倒數階段，15位佳麗將於9月15日晚上8點，在將軍澳電視廣播城舉行激烈的決賽。今年唔少佳麗都被網民大讚有樣有學歷，質素十分高！15位佳麗當中更有3位係高材生，擁有碩士學位的4號謝淑怡（Zoie）就正正係其中1位！
2024香港小姐｜音樂才女謝淑怡超牙煙彈琴騷琴技
現年26歲的謝淑怡畢業於美國約翰霍普金斯大學，主修鋼琴演奏嘅Zoie除咗擁有碩士學位外，更係多項國際大賽獎項的得獎者，包括2022年紐約金球古典音樂比賽冠軍、2021年日本伊勢志摩國際鋼琴比賽冠軍、2021年洛杉磯李斯特國際鋼琴比賽第二名，仲被選為美國國家音樂榮譽協會Pi Kappa Lambda終身會員。
而作為有樣有身材嘅靚女鋼琴家，謝淑怡今年4月更被澳門邀請在空中演奏鋼琴，而Zoie的彈奏亦係澳門首個空中鋼琴表演，可以話係藝高人膽大，更獲網民封為索腿音樂才女！
2024香港小姐｜謝淑怡超多才藝爭冠軍
除咗喺音樂方面有過人的才能外，謝淑怡自細學習芭蕾舞，並考獲七級資格。不過謝淑怡對表演的熱情就不限於音樂和舞蹈，就算係主持同演戲都一樣充滿興趣。謝淑怡仲透露自己好鍾意鏡頭，而且以往需要錄VO時都會被工作人員稱讚，更問佢係唔係學過主持或配音，令佢成為眾多觀眾和評委關注的焦點。
2024香港小姐 女．遊記｜謝淑怡獲讚港姐好聲音
謝淑怡在早前播出的《2024香港小姐 女．遊記》中，孖住黎芷珊同港彭慧中飛去菲律賓學打拳同行catwalk！謝淑怡除咗行catwalk有板有眼外，就連拍住當地女歌手同台合唱都冇壓力，即席以鋼琴伴奏嘅謝淑怡仲獲觀眾大讚係港姐中隱藏嘅好聲音！
即睇更多謝淑怡靚相！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：ig@zoietsy、TVB、網上圖片
