香港人在北京｜傅嘉莉洪永城能否美滿收場 續集唔去北京去邊好

陳展鵬葉問上身晒喜感

今晚大結局睇頭十足，「港仁」陳展鵬和「Helen」吳若希（Jinny）兩公婆能否和好如初成為焦點所在！據知，港仁在文創園編劇仔小春（程碩男飾）幫助下，成功氹番老婆，惟過程相當驚險，港仁和 Helen 陰差陽錯下被黑幫「追殺」，其間展鵬更葉問上身，喜感十足；兩人最終逃命至床下底，更患難見真情在床下底深情咀嘴，破鏡重圓！

講到床下底咀嘴場口，連以超性感睡衣上陣拍劇都唔驚的 Jinny 竟然嗌尷尬，她早前接受無綫娛樂新聞台訪問時說：「點解好地地我哋要喺床底 Kiss？大家就要留意劇情！拍呢場 Kiss 戲其實有輕微嘅尷尬，因為喺床下底大家嘅氣息好近，我又冇太多親熱戲經驗，成日都擔心 kiss 緊時呼唔呼吸好，好驚我呼吸時對方吸咗我呼出嚟嘅氣，咁樣好似唔係幾好，因為二氧化碳嚟㗎嘛！」展鵬則笑言冇乜尷尬：「今次我嘅演繹方式係唔想咁演戲，想貼地同真實啲。拍呢場戲其實好舒服，當你回想番同另一半嘅回憶，再親熱番嘅時候，係有一種喜悅同緊張嘅感覺。」

坤哥以手語向戴祖儀表白

今晚另一焦點是歌唱比賽決賽場口，身為歌手的 Jinny、戴祖儀和吳業坤將齊齊獻聲！以透視長裙上陣的 Jinny 大晒招牌長腿，獻唱坤哥首本名曲《陽光點的歌》；「寶怡」戴祖儀和「石磊」坤哥則合唱兩人有份創作的《想跟你好好道別我怕來不及》，因耳患問題感到自卑的石磊更會突破心理關口，以手語向寶怡表白，最終他又能否抱得美人歸？

洪永城把握機會追傅嘉莉

「阿喱」洪永城、「Funny」傅嘉莉和「淼淼」陳星妤的感情線同樣值得留意，Funny 將跟着愛慕她的富二代方晴（付嘉飾）遠走非洲，阿喱最終能否把握機會追回 Funny，還是重投女神淼淼懷抱？密切留意今晚大結局的《香港人在北京》。