香港人在北京︱陳展鵬洪永城星二代鬥可愛 劇組再聚戲外再聚勁有愛！

《香港人在北京》劇組戲內外都超有愛

近日TVB小品劇《香港人在北京》正在熱播，劇情輕鬆、對白搞笑抵死，深受觀眾喜愛。劇中一班主角無論在戲內外都超有愛。早前陳展鵬、吳若希、洪永城和蔡潔等人就齊齊入場，參觀「魔雪奇緣世界」優先場，洪永城事後更上傳「一家人」的大合照，並寫到：「一家人最緊要齊齊整整。吳若希阿嫂去咗邊？大哥，佢左擁右抱緊」，劇內外都超似一家人。

吳若希大女罕曝光超搶鏡

在《香港人在北京》劇中有驚喜演出的吳若希，當日打扮少女大露纖腰，不過都唔夠大女Giselle搶鏡。吳若希一向特別保護Giselle，每次上傳一家合照時，都會特意遮擋Giselle樣子，非常神秘。不過今次吳若希就難得將Giselle化身成Elsa的照片上傳到IG，從照片中可見Giselle臉尖尖眼仔碌碌，笑容又夠曬甜美，盡得媽媽吳若希真傳！

一班星二代化身Elsa鬥可愛

除了吳若希大女Giselle打扮成Elsa入場之外，其他星二代都紛紛穿上天藍色Elsa公主裙，遺傳了媽媽單文柔大眼睛的陳展鵬女兒小豬比就最為可愛。洪永城梁諾妍女兒Amber就冇特別作公主打扮，而且因為狀態麻麻，所以都冇玩得太盡興，不過洪永城就承諾會同囡囡再入場再玩過！