香港人在北京丨傅嘉莉變索爆女神 生擒洪永城遇尷尬事 搞笑變淒酸好催淚

傅嘉莉變索爆女神

昨晚一集，Funny（Kelly飾）接受好友淼淼（陳星妤飾）大改造，由平時的男仔頭搖身一變成索爆女神！Funny在夜店艷光四射吸引不少男士目光，喝醉的阿喱（Tony飾）竟不認得Funny兼上前搭訕，兩人攬着跳舞之餘，阿喱還錫了Funny一啖。之後Funny扶着醉倒的阿喱回酒店，兩人意亂情迷下差點發生關係，一直暗戀阿喱的Funny在臨「埋牙」之際流鼻血，搞到阿喱成面都係血！

傅嘉莉洪永城結拜成兄弟搞笑變淒酸

酒醒後的阿喱發現自己臉上全是血加上床單布滿血漬，誤會自己奪去Funny初夜，令他非常懊惱。後來阿喱知道只是一場誤會，狠心向Funny表明永遠是好兄弟，傷心欲絕的Funny決定斬斷情根，與阿喱當着眾人面立下「投名狀」結拜成兄弟，再默默哭着離去，畫風一轉搞笑變淒酸！

傅嘉莉：我同Tony睇到劇本時都忍唔住爆笑

講到相關床戲玩到見血，Kelly受訪時笑言：

「我同Tony睇到劇本時都忍唔住爆笑，拍攝時我望到Tony成面都係血，我係要將個人『退』後啲，因為當時拍緊Tony大頭，我驚我係咁笑會震到Tony！」

Kelly補充指床戲雖然望落爆笑，但拍攝時有一定難度，Kelly說：

「首先啲血嘅濃稠度要好準確，唔可以太稀或者太『杰』，拍攝前都試咗兩次先調較到。同埋要令到啲血喺鼻哥流出嚟係好考功夫，我要靠呼吸控制個力度，冇諗過我嘅鼻都要做戲，真係呼吸都要有戲！」

「投名狀」場口睇到心碎

談到「投名狀」場口令人心噏，Kelly坦言：

「呢場戲對於Funny嚟講係一個轉捩點，除咗將自己心聲講畀阿喱聽之外，亦都代表Funny放下咗呢段感情，希望觀眾睇時都有心噏嘅感覺。」

傅嘉莉IG晒花絮：今晚有冇人同我一樣笑住喊了

傅嘉莉在IG分別晒出兩場重要場口花絮，更表示：「今晚有冇人同我一樣笑住喊了…」、「絕密相片曝光 @guruhung I Can’t Believe it 仲有半個鐘 唔睇，唔係兄弟啊！」。

網友激讚傅嘉莉演技進步值得拎獎

網友激讚：「傅嘉莉在這部劇發揮得好好，而且角色也很鮮明，對她刮目相看！」、「傅嘉莉真係愈嚟愈有技，今年飛躍我別無他選!!」、「悲劇人物，有笑有淚。」

https://www.youtube.com/watch?v=SdELm32wn_A