飯戲攻心加長版10月15日公映｜黃子華迫導演陳詠燊劇透未曝光6分鐘彩蛋

《飯戲攻心》加長版全新6分鐘額外片段曝光

為了答謝觀眾，也為了增加衝破7,000萬票房的機會，導演陳詠燊宣布，10月15日開始推出《飯戲攻心（加長版）》在戲院上映，由於唔想破壞故事原有節奏，額外的片段將會以「超巨型彩蛋」形式在影完結束後播放，導演表示，片長長6分鐘的「巨型彩蛋 」都由他親自挑選，保證六位演員都有戲，「唔會係柴娃娃夾硬剪入去」。

黃子華迫導演陳詠燊劇透 加長版劇情誠意十足

在黃子華追問下，本來想保持神秘感的導演自爆，加長版至少有四幕戲，其中劇照看到六人坐梳化的戲份，就是其中一幕，導演表示自己都非常喜歡這幕戲，「一家人齊齊整整睇電視」，重點是可以睇到「一家人齊齊整整睇電視」 。

黃子華承諾剖白「票房毒藥」心聲

《飯戲攻心》衝上6,260萬紀錄連黃子華都表示好夢幻，更承諾票房去到7,000萬時，會向大家分享當年被封「票房毒藥」的心情。（其實在棟篤笑《娛樂圈血淚史》上他已提及，自己是與周潤發齊名的「票房毒藥」！）

陳詠燊埋藏10大隱喻 網民驚訝走漏眼倡入場睇多幾次《飯戲攻心》

《飯戲攻心》上映以來大獲好評，紮實的劇本加上充滿火花的演員配搭，被指是難得一套「真正的港產片」，網民大讚導演兼編導陳詠燊Sunny的功力，「唔玩食字，唔玩粗口、唔玩低俗，用一句句對白去搞笑，但又笑中有訊息有眼淚」。電影更暗藏至少10大隱喻，等待大家發掘，不少網民指「睇漏咗」，要入場睇多幾次慢慢分析！

注意：以下內容含部分劇透

飯戲攻心｜連嚿叉燒都有message？﹗

《飯戲攻心》由黃子華、鄧麗欣Stephy、林明禎、張繼聰、王菀之及陳湛文主演，網民指六人在電影各有功能，夾埋就產生化學作用，互不搶到大家的戲。《飯戲攻心》票房衝破6千萬，破近年喜劇票房紀和！電影當中至少9大訊息，網民大讚：「唔係《冚家辣》啲夾硬食字笑話囉。」

1.「孖寶兄弟」暗示角色狀態

在黃子華和鄧麗欣砌床的一段，背景的「孖寶兄弟」公仔，刻意被放成大哥Mario單獨站在柜頂，弟弟Luigi與公主Peach站在一起成一對。暗示現在的三角狀態：哥哥和弟弟同樣傾慕「女神」，不過弟弟和「女神」成一對。陳詠燊發現那個背景將會出現一段頗長時間，不能掉以輕心，所以在現場已有的物資中立即想像並陳設出來，他表示這個設計被不少觀眾發現。

2.做大佬的辛酸

黃子華在戲中的大佬，有啲人睇落正常，其實自己收埋不少重擔，正如林明禎一句點題的對白：「拼命想為人帶來快樂的那個人，才是最不快樂的吧。」係畫龍點睛，戲中黃子華接替父母，成為家庭支柱，乜都要死頂，就算細佬追了前大嫂都要頂住，人哋開心之時就係自己最唔開心嘅時候，網民指勁有共鳴「無論工作、家庭中的大佬，做過先會明，睇到眼濕濕」。

3.港人移民問題

電影有港人最切身的移民問題。戲中阿媽一句「住夠就好走，行遠啲啦」之後黃子華就話「畀啲時間我」，反映現今港人對移民的掙扎。而係尾一幕廖子妤客串做黃子華的媽媽帶出，「邊度有家人邊度就係家，地點唔重要，最緊一頭家團結」，獲讚電影難得唔難尾收得好靚，仲解答了黃子華一直想知的問題。

而黃子華代表「留港派」最後都有租番間屋，另外二佬張繼聰對住個招牌一段戲，街外人睇落無福，但最緊要是自己知道呢個係福，自己知香港有值得留戀嘅地方就。

4.「叉燒」的喻意

三兄弟話老竇整嘅叉燒好難食，第一次黃子華聽到時候大發雷霆。後來第二次黃子華因為獲得林明禎送的眼鏡，解決眼睛色盲問題，終於分辨到顏色整到叉燒，但依然好難食。但大佬仍然話：「難食但平嘅叉燒都有佢嘅需要，唔係邊有平價飯同常餐叉燒意，最緊要係養大一家」，網民大讚夠晒貼地，反映一般市民生活、工作平凡，但其實都喺社會其中一粒螺絲，只要養到家，無需自卑亦唔好自大。亦道出「阿爸的味道」其實係因為「回憶加分」大家冇必要一定要話以前所有事物都一定係好。

5.一家人不論血脈最緊要有感情

戲中黃子華一家三口係唔同媽媽所生，但係家人就係家人，唔會變，雖然二佬冇咁「親」，但三兄弟仍然互相想互相幫助。

6.文物保育唔真心

戲中有一段講到鄧麗欣工作的地方，做完一次「集體回憶」展覽之後，就話要掉走所有用過但有文化價值的展覽品，鄧麗欣同公司抗衡，點知公司都唔打算留低鄧麗欣，暗指好多人消費完集體回憶或者文化保育為由呃Like呃流量但最後都係掉埋一二邊。

7.疑暗示好多人中文差

戲裏面黃子華指責張繼聰「勾義嫂」在先，王菀之就答：「你係大佬，佢係勾大嫂，佢係二佬你搶佢（鄧麗欣）返來你先係勾二嫂。識唔識數學？」黃子華就反駁「勾義嫂」係義氣個義，唔係數目字「二」。結果去到全戲尾段，陳湛文又講一次黃子華勾「二」嫂，激到黃子華冇聲出：「係咪冇人識中文呀！」

8.探討電競生態

現今社會對電競仍未給予肯定，唔認為是一項正式運動，更定性為失敗，而且好快消失，但電影都有表示電競都有另一種發展，未來未必不成功。

9.「煮飯婆」好辛苦

在《飯戲攻心》戲中負責煮飯的王菀之，想講出屋企負責煮飯嗰位好重要，往往被忽視，其實煮飯都係一門學問，由安排煮飯的先後次序，去控制所有餸上枱時的溫度，絕對唔容易，但負責食嘅通常都係老馮兼唔會珍惜，仲嫌三嫌四。

10.香港真係好靚

最尾幾幕，以航拍方式拍下多角度香港夜景，就像坐飛機離開時所見到的畫面，萬家燈火，用畫像同大家講「香港真係好L靚」。電影用了張學友的經典情歌《還是覺得你最好》，歌詞「但我不懂說將來 但我靜待你歸來」、「即使你離闕，我熱情未改 這漫長夜裡，誰人是你所愛」用情歌去配合套戲的中心意思。

張繼聰同鄧麗欣更特登拍一條片玩下集體回憶對應香港主題！