食腦喪B｜林凱恩15歲MK造型曝光！ 曾因「艷照風波」人氣推不跌反升

林凱恩《食腦喪B》踩Roller打喪屍

《食腦喪B》大結局的打喪屍場口亦相當有睇頭，其中以「C 妹」余晚霞（林凱恩飾）表現最為 吸睛，以緊身戰衣上陣的「C 妹」林凱恩踩住 Roller、拿着棒球棍，在街頭與喪屍廝殺， 型格十足！據知林凱恩為了這一幕，苦練踩 Roller 近兩個月，並在佈滿油漬、凹凸 不平的後巷拍攝，期間更不慎跌倒及撞傷，認真辛苦。

林凱恩公開童年相自嘲「林醜恩」

林凱恩在將軍澳長大，就讀仁濟醫院王華湘中學，期間父母離異，跟隨媽媽、哥哥一起生活，任職秘書的媽媽撐起成頭家。她曾於Instagram上載與15歲與好朋友的合照，穿着黑色T-shirt、牛仔褲、戴黑色粗框眼鏡的她有點baby fat，而且MK味濃，自嘲是「林醜恩」。

林凱恩與母同年畢業似同學

2014年，林凱恩畢業於城大專上學院（現名為香港伍倫貢學院）公共關係及廣告社會科學副學士課程。而林媽媽都很好學，一直夢想讀大學，終花了七年時間於神學院修讀輔導學士課程，完成其志願。林媽媽在《日日媽媽好》中指當年為了與女兒林凱恩同一年畢業，她很努力追趕讀書進度，果然母女情深：「因為同個女一齊戴四方帽影相，唔係好多人有呢個機會。」現在其母星期六日會抽時間輔導有需要的人，樂於助人。

林凱恩同阿媽一齊畢業

林凱恩也在節目指與媽媽一起完成學業，穿上畢業袍這段回憶很難忘，也很有趣：「我哋讀書嘅時候身份係調轉㗎，我要寫論文，媽咪都要考試㗎，但佢讀讀吓書會瞌眼瞓，咁我會看住佢，同埋叫佢『起身喇，無時間喇，要交功課喇！』又會問住佢成績出咗未，感覺唔似兩母女、似同學。」林媽媽笑指她比自己更像母親：「佢真係好孝順，佢會好緊張我，有時我無聽電話，佢就問我做乜唔聽電話，你去咗邊咁？」

林凱恩：媽媽係最好嘅旅伴

林凱恩憶述有次同與媽媽去日本旅行期間，因為她安排不好，行程排得太緊密，搞到媽媽要吃便利店食物，令她一度感到內疚，但當時林媽媽沒有介意，令她覺得既難忘又感動：「我同媽咪講：『對唔住，因為我編排得唔好，搞成你咁。』我媽咪就話：『唔緊要喎，我覺得好好食，好開心呀！』媽咪係我最好嘅旅行伴侶。」

林凱恩代明星相媽媽圓選美夢

2015年，林凱恩參選香港小姐競選，奪得「友誼小姐」一獎，代媽媽圓夢。在《日日媽媽好》中，她指媽媽以前被指很像戚美珍，很美，可惜因為要母兼父職，又要工作，又要照顧家庭，太忙而沒法選美，所以現在她為母圓夢：「我細細個已經覺得媽咪好靚，覺得佢後生時好有氣質。到我大個喇，就算我化咗妝，我企喺媽咪隔籬，啲人都係話我媽媽有氣質過我。媽媽同我講佢有諗過選香港小姐，但佢奈何要做嘢；媽咪以前讀中學時，又玩體操，又玩美術，我覺得佢選港姐應該勝任過我好多，佢更適合入呢行。」

賽後她加入TVB，除了參演《愛回家之開心速遞》，還有《降魔的》、《她她她的少女時代》、《換命真相》等，曾入圍《萬千星輝頒獎典禮2020》「飛躍進步女藝員」最後五強。她指入行後，因為工作時間不穩定，陪伴媽媽的時間變得越少，但感情反而更進一步。

林凱恩「艷照」風波

去年，在網上突然流出她的昔日的性感舊照，身材非常突出，惟有網民指她私生活混亂。她承認相中是她本人，指很久之前她在派對被女性好友貪玩拍下，其後遺失手機，相信是手機內的相片。最後她在Instagram回應此事：「我自己闖的禍，我自己解決。現實中嘅我成日闖禍，以後會好好睇住自己嘅財物，冇咩事我都係返屋企食咗本道德經。要大家擔心好對唔住」

不過當時網民普遍指相片尺度不大，反而大讚她身材好好，此事令她人氣急升：「真材實料又怕乜嘢show畀人睇喎」、「個個去海灘都着到咁性感㗎啦。」、「行落沙灘大把人露肉仲多啦」、「其實有什麼問題、留低青春美麗、唔通70-80歲先影咩」更搞笑指想起她劇中爸爸譚道德。

即睇重溫《日日媽媽好》林凱恩與媽媽的分享：