顏卓靈澳洲旅居大屋曝光！26歲女唔憂柴米玩足四個月

新假期 - 影視

Jun 10 2020

廣告

2014年憑電影《狂舞派》以最年輕入圍者姿態殺入香港電影金像獎，當年只得21歲嘅𡃁妹仔膽敢同鄭秀文、章子怡、湯唯及鮑起靜爭奪影后，風頭一時無兩。之後除咗拍戲外，仲唱埋歌踩入樂壇，2017年獲《十大中文金曲頒獎禮》最有前途新人獎金獎以及《叱咤頒獎禮》生力軍金獎，歌影瓣瓣掂，再加上有個酒樓大亨富爸爸，顏卓靈簡直係人生勝利組！

原文刊於《東方新地》

顏卓靈唔憂柴米玩足四個月

富家女生活無憂，今年2月先隻身飛去印尼峇里考瑜伽導師牌，之後再飛澳洲旅居，吃喝玩樂足足四個月，反正未有工開冇時間表冇歸期，鍾意玩幾耐都得！旅居澳洲期間又自資拍片呼籲大家戴口罩，閒時喺大屋做吓瑜伽玩吓煮飯仔開吓 Live，真係諗到乜就做乜，有錢就是任性！

喺澳洲生活無憂，得閒去賞下花都咪話唔爽！

一個人旅居澳洲住大屋，落地玻璃外有個大花園，空氣感十足。

近年熱愛瑜伽嘅顏卓靈，於今年2月遠赴印尼峇里考取瑜伽導師牌，正式成為瑜伽導師。

不時開 Live 拍片開心share，生活寫意。

眼見唔少澳洲人都冇戴口罩上街嘅習慣，顏卓靈特別拍片呼籲，話畀大家知戴口罩嘅重要性！

而早前為活動「慶祝女性貢獻成就共建性別平等香港」，佢更聯同一班好友以#PaperBallChallenge 形式拍了一條有趣段片

除咗得閒拍下片，佢最近又會做下短片英語翻譯，不過唔係工作，純粹係希望將自己喜愛嘅事物同澳洲朋友分享，好貼心。

咁大個廚房唔好嘥，梗要玩吓煮飯仔啦！

想做乜就做乜認真爽，不過男友白只一定好掛心囉！

將來還有什麼演唱會值得留意？

有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞

資料或影片來源：原文刊於東方新地