28歲鞏姿希上位狂窒陸浩明！「機心女」曾主動向曾志偉撒嬌派心

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Mar 18 2022

鞏姿希（Krystl）日前擔任由肥媽、陸浩明（6號）主持的無綫節目《煮．野食》壓軸嘉賓。近期獲無綫重用的Krystl，在節目上「寸嘴女」上身勁窒6號，當6號要求Krystl讚他靚仔時，Krystl即毫不留情謂：「我要做一個唔講大話嘅藝人」，之後又嫌棄對方「乜都唔使做」，句句有骨！

寸爆陸浩明句句有骨

由肥媽和陸浩明（6號）主持的《煮‧野食》，昨晚（14/3）播出最後一集，並邀請近期獲無綫重用，娛樂新聞台主播鞏姿希（Krystl）擔任壓軸嘉賓。原來Krystl同肥媽好有淵源，肥媽說：「由細睇到佢大，識咗佢好耐，同佢媽咪好熟。」有肥媽撐腰Krystl當然有風駛盡艃，粗重工作全交由6號負責，又經常與肥媽「一唱一和」狂窒6號。當肥媽遇有失手時，雖然證據確鑿，但有肥媽這強大後盾，Krystl仍發揮「機心女」本色寸爆6號：「咩都話女人啱，咁先係好男人嚟嘛，我真係好鍾意呢個節目。」而6號要求鞏姿希讚他靚仔時，她即毫不留情謂：「我要做一個唔講大話嘅藝人。」之後Krystl又嫌棄對方「乜都唔使做」，句句有骨！

鞏姿希Krystl）日前擔任由肥媽、陸浩明6號）主持的無綫節目《煮．野食》壓軸嘉賓。 — 鞏姿希（Krystl）日前擔任由肥媽、陸浩明（6號）主持的無綫節目《煮．野食》壓軸嘉賓。（圖片來源：[email protected]）

原來肥媽同鞏姿希好有淵源，與她的母親相識多年。（圖片來源：[email protected]）

近期獲無綫重用的鞏姿希在節目上寸爆陸浩明，句句有骨！（圖片來源：[email protected]）

鞏姿希 Krystl嫌棄6號「乜都唔使做」。 — Krystl更嫌棄6號「乜都唔使做」。（圖片來源：YouTube@big big channel截圖）

「機心女」主動向志偉撒嬌派心

其實鞏姿希自從去年在無綫《明星運動會》上，主動向高層曾志偉撒嬌擺出心心甫士後，近年漸漸上位。當日《明星運動會》最大亮點就係女藝員射箭項目，連曾志偉都有現身打氣！Krystl就最識搶鏡，佢多次射中紅心得到高分，獲場邊嘅志偉拍掌叫好，鞏姿希亦好識撈，主動派心回禮，派完手指心心，再撒嬌擺出大動作心心甫士，點知畀鏡頭捉到正，曾志偉唯有笑笑口回敬，當時已有網民批評鞏姿希充滿機心博上位！

鞏姿希明星運動會 — 無綫娛樂新聞台女主播鞏姿希在《明星運動會》參加射箭項目。（圖片來源：TVB截圖）

鞏姿希入行時間短主持多個節目

2018年落選港姐鞏姿希（Krystl）自加入無綫後，一直擔任無綫娛樂新聞台主播，19年為節目《 Do姐有問題》擔任「問題專員」，又曾主持過旅遊節目《出走地圖》，被網友譽為無綫隱藏版美女！近排再被志偉愛將，J2台節目創意總監C君（鄭詩君）賞識，與無綫劇《愛上我的衰神》女主角陳嘉慧（Erica）、落選港姐伍韻婷（Juliana）及布樂文（JB）一同主持新節目《陀地外國人》，走訪在港生活多年的外國人，探討不同文化差異。

鞏姿希近年被志偉愛將C君賞識，由娛樂新聞台主播跳到綜藝節目主持。 — 鞏姿希近期獲志偉愛將C君賞識，由娛樂新聞台主播跳到綜藝節目主持。（圖片來源：[email protected]）

鞏姿希 Krystl近日主持新節目《陀地外國人》，走訪在港生活多年的外國人，探討不同文化差異。 — Krystl近日主持新節目《陀地外國人》，走訪在港生活多年的外國人，探討不同文化差異。（圖片來源：[email protected]）

鞏姿希早前到韓國主持節目《出走地圖》，讓她的韓文得以學以致用，她笑言：「真係好鍾意拍綜藝節目，因為可以做番自己，暫時我只係想專心做好一件事，所以未來都想繼續做主持。」 — 鞏姿希曾到韓國主持節目《出走地圖》，被譽為無綫隱藏版美女！

精通5種語言

鞏姿希自細在香港長大，曾於英國、日本、韓國居住留學，精通廣東話、普通話、英語、日語及韓語5種語言。在英國倫敦帝國學院修讀日語和活動管理兩個學士課程，以及策略營銷學碩士課程，畢業後回港參選2018年度的香港小姐競選，最後只打入了20強，但仍加入了無綫，並入讀短期無綫電視藝員訓練班，之後開始擔任娛樂新聞台主播。鞏姿希直言入行短短幾年便能主持多個節目，每日都過得充滿挑戰性及新鮮感，令她覺得非常感恩。