余德丞神還原劉德華兩次「心口碎大石」 為求逼真出動綠幕特技揼心口

青春不要臉｜余德丞扮劉德華心口碎大石

劇中余德丞因為拍劇上位，獲公司安排《星光熠熠勁爭輝》中表演心口碎大石（參考83年同名節目，詳見下文），更由台慶武指吳俊立（李家鼎飾）進行特訓。經過多輪艱苦訓練，終於在螢光幕前作正式演出，不過就因為事前食錯嘢、加上休息不夠而在鏡頭前吐血！

91年劉德華「心口碎大石」後吐血

現實中的劉德華，演藝生涯中演出過兩次心口碎大石，首次是1983年以「五虎」身份在無綫獻技；8年過後，已經成為電影界大紅人的劉德華，在1991年7月尾的華東水災賑災義演上，再次表演「心口碎大石」，這是他第二次在公開直播表演 ，由於覺得演出駕輕就熟，加上當時與周星馳剛完成《賭俠》的拍攝，可能受周星馳的「無厘頭」出位作風影響，劉德華上演了一場「扮吐血 」的鬧劇：

話說劉德華與部份工作人員夾好，碎石之後先「扮暈」，再要求用毛巾擦汗（裡面放了血漿），擦汗時候就吞了一啖血漿，當時台上主持人肥肥（沈殿霞）並不知情，眼見劉華碎石後吐血，當場嚇到喊，台下Fans也十分擔心，原本以為好好玩的劉德華，結果收到大量投訴，最後要公開為此道歉收場。

劉德華重溫 TVB訓練班年代

劉德華是 1981年第10期無綫電視藝員訓練班學員，著名的同期同學有黃耀明、徐錦江、吳家麗、梁家輝、戚美珍、張之亮等。 至於周星馳和梁朝偉同屬第12期，同屆還有歐陽震華、吳鎮宇、張兆輝、關禮傑、湯鎮宗、李子雄、吳廷燁等⋯⋯

劉德華出道劇孖徐錦江欺凌黃耀明

在訓練班的年代的劉德華，原來他的「畢業演出」是一段名為「第八度空間」的短劇，入面飾演訓練營「營長」的劉德華，與飾演惡霸同學的徐錦江，一齊欺凌文弱的黃耀明：

余德丞為碎石做足準備

說回余德丞重演心口碎大石這一幕，被問到埋位拍攝前有沒有翻看劉德華當年（1983年）的演出片段作練習，以及拍攝期間會否很危險時，Dickson回應說：「我哋全程都係對住華仔當年條片嚟拍嘅。其實我自己真係睇咗條片無數咁多次，主要係想拍嗰陣盡量跟番啲位同動作要一模一樣，因為唔知道個後期會點做，所以跟番足就最好。」

余德丞：我真係睇咗條片無數咁多次

余德丞又表示：「拍嗰陣係有少少危險嘅，因為雖然嗰塊唔係真嘅石頭，但因為個物料都好粗糙，所以喺冇著衫嘅情況之下一定會刮到同埋會損晒。所以佢哋打塊石嘅時候，啲碎一定會飛落個身同埋塊臉度。但你話係咪好危險呢？當然唔係啦，只係因為想盡量像真，所以會有一定嘅難度喺度。真係好佩服當年嘅藝人為咗籌款可以咁勇敢專業同埋賣命，真係好值得我哋學習。」

余德丞：好佩服華仔咁賣命

重溫廿九年前劉德華心口碎大石

1983年劉德華在《星光熠熠勁爭輝》（《星光熠熠耀保良》前身）中表演心口碎大石，當時劉德華先與苗僑偉、梁朝偉、黃日華和湯鎮業以「五虎」陣容，表演多人單車、人體疊羅漢等，之後到劉德華表演心口碎大石，當晚司儀何守信不停問：「華仔你得唔得？我雖然係隊長，但太驚我入番去先﹗」