32歲雷深如J.Arie坐飛機十級戒備惹熱議！唔除罩13小時 忍尿捱餓無人同情

雷深如J.Arie飛美國開騷

隨住各地通關，香港隔離措施放寬，不少港人紛紛衝出香港感受無罩的自由。而雷深如J.Arie為菊梓喬在美國洛杉磯開騷任嘉賓，場騷於22 日舉行，雷深如日前出發前往當地。她在社交網分享「我喺飛機13小時，冇除過口罩，冇飲過水，冇食過嘢，冇去過廁所」，並指落機第一時間衝去買burger。

雷深如J.Arie被網民恥笑匿喺屋企最安全

網民未有戥佢雷深如J.Arie辛苦, 未有畀like更瘋狂派嬲，瘋狂留言嘲諷她是「防疫L」，連粉絲都表示認同，留言洗版話埋一份：「咁驚就最好連街都唔好出，留喺屋企搵個袋笠住自己最安全」、「仲好意思講，一個口罩戴十三個鐘邊度仲有效」、「落到LA著番套防疫套裝先好出街呀」、「落機除口罩食嘢就唔驚？」、「點忍到十三個鐘唔痾屎，搞到腎病一樣開唔到騷」、「如果係為咗唔想病同養聲，又點會落機就食勁熱氣嘅burger呀？雙重標準」、「搭飛機真係好危險，美國都好危險，你快啲扯啦！」、「搞到尿道炎中尿毒，仲慘過中招啦」等。

曾公開M底 到訪當地SM用品店

網民代為解釋 愈講愈唔通

有網民為雷深如J.Arie 解釋指她只是不想有任何閃失，而影響演出，其實是一個有責任心的人。不過卻被其他網民群起反駁，「如果佢咁驚，就唔好喺街外進食啦，食落肚仲危險」、「為咗個騷就更加要食得清淡啲啦」、「係有責任心就忍多幾日，等做完騷先瘋狂食，咁先唔會影響把聲同狀態啦。」