雲浩影 蘇皓兒 kayan9896「最佳女友3選1」陣容大激鬥

蘇皓兒、雲浩影、吳家忻「最佳女朋友三選一」

吳家忻kayan9896封「港版子瑜」網民嫌佢1部位太大

繼《#她和她的戀愛小動作》後，25歲kayan9896再度參演Viu原創劇，今次飾演一名神婆。現實生活上，kayan9896與前男友林家熙（Locker）分手兩年後，5月意外曝光新戀情，對象是大生地產發展主席馬清偉和薛芷倫的兒子馬桂烽（Justin）。

最初kayan9896在YouTube Channel 「試當真」短片《唔通佢有男朋友》 ，仙氣登場人氣急升，更被網民封為「港版周子瑜」。五官標緻好上鏡，身材亦好平均，側面睇又真係有八九成似周子瑜，更被網民激讚「girlfriendable」，不過亦有網民嫌她「她的鼻子太大了」「側面睇仲搞笑 」「真人又黑又瘦又乾」

雲浩影夠pure夠健康

27歲雲浩影（Cloud）於新劇周旋在「初戀情人」193和「穩交男友」阿Dee之間，首次擔當劇集主角的Cloud坦言拍攝時十分緊張：「第一次要記咁多對白，又第一次拍感情戲，真係好擔心NG，多得演出經驗十足的阿Dee帶住，才令拍攝順利。」

女神嘅現實感情生活中，Cloud在2020年憑參加ViuTV選秀節目《全民造星III》參賽期間已經公開有位拍拖8年嘅圈外男友Ryan，Cloud更表示Ryan係自己嘅初戀，一度視對方係結婚對象。去年12月，Cloud承認與男友分手。不過Cloud形象一向夠pure夠健康，不少粉絲仍支持佢係女友典範：「好似如果Cloud做女朋友嘅話會幫你慳錢同處理瑣碎事，同時會尊重你意見」

蘇皓兒Chloe緋聞男友名單唔多！對外公開得1個！

至於樣子甜美嘅30歲蘇皓兒，入行13年，除咗靚樣經常被討論外，她的一雙殺食長腿都一樣擁有極高的關注！佢過去嘅緋聞對象包括有倪震、羅天宇，不過對外公開只有王宗堯。不過二人係2020年初分手，結束2年情。

回復單身嘅蘇皓兒早前曾指已「私有化」，緋聞男友係曾獲香港電影金像獎「最佳新導演」嘅黃進，二人感情更升呢到同居階段。不過呢段緋聞其後被蘇皓兒否認，仲話二人只係工作認識嘅朋友，自己嘅感情方面仍係空白，如果有新戀情會同大家分享。