雯雯事隔半個月再發文反擊吳浩康：我冇咁無聊搞任何人

雯雯反駁吳浩康：我冇咁無聊

她反駁指我冇咁無聊搞任何人，再指出︰

「我冇咁無聊搞任何人，正正常常一段婚姻，點解會搞成咁，唔會冇原因，只係我乜嘢都放晒喺塊面，唔識演姐！我唔會因為任何人或說話去改變我最初嘅自己，只可以講我要做一個懂得體諒嘅老婆，5年乜都做晒，我唔會再畀自己受任何委屈！」

「如果要話我搞到自己老公事業冇咗，咁不如話五年時間，佢冇好好去反省同改變好自己，不斷重複自己嘅錯誤，先會導致到今日發生嘅事。」

「冇人可以體會到五年發生過嘅事，亦冇人可以評論任何當中嘅細節，只可以講，多謝大家關心，如果我做嘅嘢係咁惡劣，我隨時歡迎我另一半同我離婚。希望下半年，不公開自己情緒，低調可以換來兒子、狗狗健健康康，從此遠離複雜嘅世界」

吳浩康勸雯雯唔好搞張致恆

Deep早前在周國豐、伍仲衡主持的YouTube節目《週五有周伍》做嘉賓，在節目中亦有提起有家室的「離婚界KOL」張致恒。伍仲衡指：「張致恒幫你唔少喎」，Deep回應：「我喺IG出第三條片嗰陣，有個工友同我講，你再出呢啲片，你個friend死喇喎！其實呢我哋仲有聯絡，衰仔。」

在節目中他向Steven太太區燕雯（雯雯）建議不要公開搞丈夫。：「佢老婆唔好搞佢得唔得呀？唔好公開搞，匿埋搞，畀啲空間佢搵吓食！」Deep再指自己都試過有好谷底時候，但靠自身努力克服困難，做正行正業，盡力維持好屋企。

雯雯嬲嬲反擊：問心無愧

對於Deep的忠告，雯雯昨（21日）在社交平台上發表了自己的看法：

「我問心無愧，做自己想做嘅嘢，講自己想講嘅嘢，喺自己平台做自己。我唔需要人認同，亦唔需要批評我啱與錯。」。