隱門｜湯洛雯被批身材大走樣 用10字高EQ回覆 馬國明為未婚妻打氣

湯洛雯高EQ回覆：繼續睇我呢個師奶仔呀

她於IG出post回應寫道：

「人生總是會經歷高高低低，虛心接受批評，才能進步！那時的我未能做到最好，但我會更加努力！謝謝所有有留意我演出的觀眾，好的、不好的，都袋落袋了，這湯會加油變成更好的湯 收到很多PM支持和鼓勵，很溫暖，謝謝你們#共勉之 #每天也是美好的一天 #記住今晚隱門繼續睇我呢個師奶仔呀 」

馬國明留言為未婚妻打氣

貼文一出，即得到不少網民及圈中好友支持，當然馬國明亦留言「加油」為未婚妻打氣，相當sweet！

敗筆位︱1.湯洛雯演女警冇威嚴

今年36歲的湯洛雯於TVB新劇《隱門》飾演女警楊忻曉，有網民在討論區開帖狠批她在劇中的演技強差人意，由說話聲線開始，到肢體語言都唔似女警，連跑步路都喘氣，搞到觀眾們睇到出曬戲：「做madam 講對白好似唱歌咁，一 d 威嚴都冇。」、「咋晚..靚湯追陳展鵬幾步已喘氣…弱雞CID ..佢角色失敗中失敗」、「差到，完全冇戲架」、「做差婆一D都唔似」等。

敗筆位︱2.湯洛雯外貌大走樣 被批脹到似師奶

此外，網民亦指湯洛雯在劇中脹爆登場，外貌大走樣之餘，仲要勁似師奶：「成舊發水麵包咁」、「計顏值 , 佢今次輸智雯好多」、「又肥又醜C奶格」。不過其實《隱門》是在2021年底拍攝，當時湯洛雯的確全身「幸福肥」，加上疫情期間冇得運動，會脹爆上鏡都唔奇。

敗筆位︱3.吳岱融「鷲哥」出馬都救唔返

今次《隱門》有好戲之人「鷲哥」吳岱融坐鎮，劇集未播出之前已經令觀眾們非常期待。在劇中飾演大奸角賊王葉嘯天的吳岱融，亦的確冇辜負一眾觀眾嘅期望，一出場就奸到出汁。不過網民就話雖然有吳岱融出馬，但可惜其他演員演技未夠班，特別係湯洛雯嘅演技多年來都冇進步，一出場就搞到場口非常尷尬，搞到網民都話要棄劇添！