39歲陸詩韻持續修葺驚現刀削面 《法證IV》搶鏡客串回春登場

撰文、圖片：東方新地

陸詩韻搶鏡客串回春登場《法證先鋒》

《法證先鋒》拍到第四輯，廿年前第一輯的主角歐陽震華、林文龍與蒙嘉慧，已變成黃浩然、譚俊彥和李施嬅，而 劇中更有不少熟口熟面的資深演員穿插其中，就連轉行做美 容的陸詩韻（Sharon）亦搶鏡登場，她所飾演的女明星「殷 紅」於最近幾集戲份甚重，成為殺人案的關鍵人物，劇情緊張之餘，不少網民對陸詩韻的容貌更是議論紛紛。

現年39歲的陸詩韻被網民大讚是凍齡美女，當年選港姐時的她面圓加丹鳳眼，仲有激凸身材，入圍已是大熱，經過十五年的歲月洗禮，陸詩韻唔止面目全非，仲愈變愈後生。據知情者透露：「近年Sharon容貌不停進化，雖然話依 家手機美圖apps可以修圖，但佢真係離奇逆齡生長，兩年前喺《宮心計2深宮計》客串飾演宋王妃，演技絕對唔夠V煞 膠面搶鏡，佢個形同利器嘅下巴真係有啲誇。到最近《法證先鋒IV》再客串，一出場就有驚喜，唔少觀眾都認唔到係佢，五官變得緊緻，睇上去真係廿幾歲咁，簡直係判若兩 人。」女大何止18變，喺陸詩韻身上有72變㖭！

陸詩韻創立自家護膚品牌 強調冇整容

陸詩韻近年除了創立了自家護膚品牌，仲代理日本護膚產品和做美容公司代言人，對於面目全非，她堅稱是因為自己對變靚非常有研究，日常生活與飲食健康最為重要，只會做機或者進行一些美容療法去延遲衰老，絕對不會去整容。下一次再客串拍劇，陸詩韻再進化再變面，咁咪次次都有新鮮感囉！