係愛啊！陸永6歲細女喊到眼腫不捨工人姐姐回鄉結婚

新假期 - 影視

Mar 19 2020

廣告

呢一代的小朋友好多屋企都有工人姐姐幫手，幫忙打理家務，甚至小朋友都係工人姐姐一手湊大，感情如同一家人，不過基於各種原因，通常都未必可以一個外傭用到尾，大人當然明白，之不過小朋友未必接受到。好似陸永6歲細女 Simsim，就因為工人姐姐要返菲律賓結婚生 BB 辭職，Simsim 因為唔捨得工人姐姐走，喊到眼都腫埋。

撰文、圖片：東方新地

陸永兩女與工人姐姐感情好

靚媽陸太就喺 IG 分享呢件事，仲解答大家問題，話工人姐姐向來好錫兩個女，亦應承結婚生 B 後，若回港一定會再回陸家打工，工人姐姐本來第二日就走，但因為馬尼拉封城，要延後至少一個月，單純的 Simsim覺得工人姐姐早走，便可以早點「重逢」，延遲走變相回來之日會更耐，所以喊到收唔到聲。陸太亦話8歲大女Hannah都唔捨得工人姐姐，不過Hannah話未到呢日唔去諗住喎 ﹗兩姊妹純真又可愛的表現，令網民們都溶化！

陸永家中其中一個外傭要回家鄉結婚生B，陸永兩個女都好唔捨得工人姐姐走，尤其細女Simsim喊到眼都腫晒，陰功豬﹗

陸永同靚老婆Reina育有兩名女兒，分別是8歲陸一穎（Hannah）及6歲陸一心（Simsim），日前一家四口做足防疫措施去郊遊吸收新鮮空氣。

順道去了大埔林村許願樹，大女Hannah（上圖）許願「我所識嘅人唔會死」，而 Simsim 就希望「大家身體健康」，願望都是給身邊的人，陸生陸太教得好！

停課超過一個月，兩女拎起媽咪手機自拍，以示悶到發呆，用另一方式求媽咪帶佢哋出街，非常搞笑。

近排因新冠肺炎，大忙人陸永工作都因而減少，多了留家陪妻女，兩個女最開心，可以成日同爸爸一齊。

細女Simsim向來古靈精怪，食飯都要引家姐注意，不過家姐睇見妹妹就反晒白眼。

陸永和太太 Reina 結婚八年，陸永笑言兩公婆七年之癢時未有痕過，去年更雙雙去把象徵一家四口的公仔紋在手上，陸永紋在右手內前臂，陸太則紋在左手，幸福滿瀉！

將來還有什麼演唱會值得留意？

有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞