文：東方新地｜圖：新傳媒圖片庫、東星相片及陳靜IG圖片

P圖過火？ 陳靜驚變「V面」「長臂猿」

DaDa陳靜今日（22日）32歲生日，連日來與不少朋友慶祝。不過DaDa日前在IG上載與好友鄧洢玲的飯局合照，卻被眼利的網民發現，相中的DaDa突變V面，下巴尖得離譜，引起網民熱烈討論，有網友估計DaDa「V面」是因重手P圖做成。更有網友翻查DaDa舊史，在她IG早前貼出的一張南丫島郊遊的照片，雖然包得密實，但網民重點研究她的纖長右手，取笑她右手不成比例，疑似P圖過火，有網友留言：「你隻手長到可以辦過對面海」、「做乜P到自己隻咁長」、「長臂猿」等等。之後，當事人Dada都有澄清冇P圖：「睇完大家啲留言，我都覺得好好笑……不過邊有人會P長自己隻手……真係影出嚟係咁。」

陳靜：我到咗適婚年齡

現年32歲的陳靜（DaDa）出道時以34E導彈身材突圍，成為個人Icon，不過近年她刻意密冚身材，少有再飾演性感角色，久未露面的她早前出席好友鄧洢玲（阿旦）新餐廳開張活動時，透露自己將飾演一個被家暴的人母角色，會有個7、8歲大的囝囝！在疫情下已休息了幾個月，期間她努增值自己，包括學整法式曲奇、麵包及投資股票等，好開心能有點進帳。

DaDa表示將會投入新警匪片的拍攝，她直言：「我呢幾年所演嘅角色都係幾痛苦嘅，今次都唔例外，會演一個被家暴嘅媽媽，仲有個7、8歲嘅仔，依家我已經開始接受到有人搵我做媽媽嘅角色。」DaDa指自己仲未做過人媽媽，所以今次這個角色對她而言將會是一大挑戰，但她在電影《飛虎出征》都做過人母角色。

被問到感情生活，DaDa自爆已單身大半年，現階段無拖拍亦無人追，她坦言：「緣分未出現，但我唔好意思叫朋友介紹，反而有很多朋友仲問番我有無男仔介紹畀佢哋，真係要澄清番，其實我都冇貨。」DaDa又表示要公開徵男友：「我都好想真姻緣快啲出現，始終我已經到咗適婚年齡，我又好鍾意小朋友。」

此外提到去年入圍美國電影網站「全球百大美女排行榜」，DaDa表示：「今次有得提名好開心，本來約埋朋友慶祝，但係最尾都落選咗。對上一次入圍係2012年《低俗喜劇》時，排第44位。」

上圍連跌兩cup

32歲的DaDa因新冠肺炎已數個月無工開，為保持最佳狀態，一向有做運動習慣的DaDa，近月更刻意加重運動量，重訓、瑜伽雙管齊下，減去體脂亦注重線條，身型明顯瘦了一個碼，DaDa修身成功後亦不時留倩影，不過唔係所有網民都buy，不少網民直指DaDa上圍大縮水，不再像以往肉感，紛紛大叫陰公豬。

DaDa除了努力修身外，還把一頭長長秀髮剪短，令人煥然一新的感覺，早前她在社交網po出濕身片，坐在浴缸內的陳靜臉尖尖、手臂纖瘦，腰部卻有結實腹肌，的確比從前更fit，不過昔日的34E洶湧上圍卻不復見，上圍明顯大縮水。

伙拍周秀娜做姊妹冇性感鏡頭

要數Dada近年的最新作品，就係去年新年期間的《家有囍事2020》。電影中同樣身材火辣嘅周秀娜（Chrissie）同陳靜（Dada）飾演老千姊妹花，造型百變又sexy，周秀娜話因應劇情有場包毛巾動作戲，而Dada雖然都有較性感嘅造型，但就冇過多性感場面。

曾被封「百果園E神」

32歲DaDa初出道時曾被封為「百果園E神」，當年她加入娛圈後毫不吝嗇晒body，每次示人例必谷盡E級胸器，令人留下深刻印象，當年她推出的寫真集亦睇到大家鼻血長流！不過DaDa近年在奪得金像獎最佳女配角後轉型做實力派，宣布「封胸」，令一眾男士傷心欲絕！