26歲陳葦璇加盟環球《造星》彈起亮相TVB唔尷尬被網民指反骨：想學曾比特

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Aug 18 2022

26歲陳葦璇（Kira）出道7年，至前年參加ViuTV《全民造星3》奪得亞軍，於多個綜藝節目亮相後開始多人識。日前（15日）陳葦璇突然喺TVB《善心滿載仁愛堂》記者會現身，並預告會跳唱串燒快歌，當大家成頭問號之際，陳葦璇話同ViuTV完咗約，已加盟環球唱片！？

陳葦璇陳葦璇2015年以女團As One出道，2020年參加《全民造星3》。 — 陳葦璇2015年以女團As One出道，2020年參加《全民造星3》獲得亞軍。（圖片來源：IG＠hahakirac）

陳葦璇加盟環球亮相TVB唔尷尬仲想上ViuTV

26歲陳葦璇（Kira）出道7年，試過加入女團、單飛，但星途發展平平，參加ViuTV《全民造星3》拎亞軍先開始多人討論。日前（15日）陳葦璇突現身TVB記者會，傳媒即刻追問《全民造星3》亞軍得主身份會唔會令佢尷尬？陳葦璇好爽快答唔尷尬，仲話呢日亮相活動係剛加盟嘅環球唱片所安排。對於外界「倒戈」聲音亦不感壓力，嚟緊希望可以再上ViuTV節目宣傳新歌，盼望粉絲繼續支持。

陳葦璇陳葦璇Kira）參加ViuTV《全民造星3》奪得亞軍，於多個綜藝節目亮相後開始多人識。 — 陳葦璇（Kira）參加ViuTV《全民造星3》奪得亞軍，於多個綜藝節目亮相後開始多人識。（圖片來源：ViuTV《全民造星3》截圖）

陳葦璇陳葦璇出席《仁愛堂》記者會後出post並寫道「人生每分每秒都都有唔同既抉擇每次我都會問自己最終的目標是什麼？我快樂嗎？在困境中能成長嗎？在工作中能找到樂趣嗎？最近在音樂上感受到更多不同的東西每天也在學習中雖然身體有點疲倦但內心感到幸福也更感受到人與人之間的連結」 — 陳葦璇出席TVB記者會出post，寫道：「人生每分每秒都都有唔同既抉擇，每次我都會問自己最終的目標是什麼？我快樂嗎？在困境中能成長嗎？在工作中能找到樂趣嗎？最近在音樂上感受到更多不同的東西，每天也在學習中，雖然身體有點疲倦，但內心感到幸福也更感受到人與人之間的連結。」（圖片來源：IG＠hahakirac）

陳葦璇陳葦璇在《全民造星3》與團員的跳舞演出令她們大獲好評﹗ — 陳葦璇在《全民造星3》與團員的跳舞演出令她們大獲好評﹗（圖片來源：IG＠hahakirac）

陳葦璇陳葦璇身形不錯。 — 陳葦璇身形不錯。（圖片來源：IG＠hahakirac）

陳葦璇唔怕變關嘉敏2.0 目標開個人演唱會

陳葦璇同關嘉敏（Carman）同樣為女團出身，都係參加《全民造星3》後人氣急升，而關嘉敏於比賽後不久，就同邵氏簽約拍劇，成為TVB旗下藝人。由於關嘉敏喺因為ViuTV節目彈起，所以唔少網民都狙擊佢反骨。陳葦璇而家個情況同關嘉敏當年都有少少似，不過陳葦璇就話自己唔怕變關嘉敏2.0，因為粉絲好支持佢去唔同音樂平台發展。另外，陳葦璇話暫時會專注音樂發展，冇諗拍劇，終極目標係開個人演唱會，case同關嘉敏完全唔同喎。