40歲陳自瑤紅隧廣告被「投訴」性感有害 網民：會唔會令路面有危險㗎！

陳自瑤再次登陸紅隧口

陳自瑤自19年起開始為該品牌任豐胸代言人，今年已是第4年，近日新一輯廣告出街，陳自瑤身穿粉紅Tube Dress晚裝，露出4吋深長事業線非常吸睛。這廣告更放在紅隧隧道口的當眼位置，就連陳自瑤自己經過都留意到，仲影低放上社交網留言：「看到我嗎？有和我say hello 嗎？感恩紅隧口再見到自己，看見我的請舉手！」

網民反應熱烈：難怪最近紅隧口咁多意外？

陳自瑤 po完相上微博，獲不少圈中好友如黃翠如、黃建東、姚子羚等都大讚索，網民反應亦好熱烈，不少人話個廣告咁搶眼，好難睇唔到，又指廣告牌太搶fo會令司機揸車好分心，笑指「揸車經過真係好危險」。

40歲陳自瑤豐胸代言廣告靚相出爐

陳自瑤8月27日生日，屬於處女座的她2000年出道，去年正式踏入40歲，早前先後勝出配音真人騷《好聲好戲》及帶貨節目《識貨》，無論演技及主持能力都備受讚賞，更獲得「綜藝女神」稱號﹗人氣升的陳自瑤最近以七位數字酬勞續約做廣告代言人，雖然升呢女一，YoYo一樣博到盡，毫不錫身。拍攝當天YoYo以bar top 短褲上陣，陽光海灘下在浪茄海灘取景，為新一輯廣告拍攝平面及電視廣告。

陳自瑤YoYo水著豐胸廣告逐格睇

陳自瑤坐正做女一

陳自瑤去年在節目《好聲好戲》成功奪得「傑出聲演總冠軍」人氣急升，獲汪明荃加持叫無綫開套劇畀佢，總經理曾志偉收到訴求，即欽點陳自瑤開拍新劇《選美的12夜》，不過最後呢套劇開唔成。陳自瑤等到頸都長埋，早前終以女一身份現身新劇《婚後事》開劇拜神，仲興奮到不停劇透！早前還悉出一段與「小鮮肉」貼身共舞的拍攝花絮，非常火辣，演出好瞓身！