陳自瑤鬧綠茶婊搶人老公趁王浩信生日「贈興」

Jul 7 2020

王浩信婚後緋聞從冇間斷過，難怪和陳自瑤的婚變傳聞傳足幾年似層層，近年除了在IG互Like交功課之外，大家都冇乜交集，每次提及王浩信，陳自瑤更極為冷淡。不過在7月7日趁住王浩信37歲生日，陳自瑤借《那些我愛過的人》鬧爆劇中搶連詩雅老公的麥皓兒，一句「綠茶婊」「不知廉恥」鬧得分外入戲，似乎有感而發﹗

原文刊於《東方新地》

陳自瑤鬧搶人老公的第三者，鬧得特別起勁入戲，被網民指借題發揮。

王浩信近年在社交網已沒有任何妻女的痕跡，在生日當天貼出自己努力練出來的爆肌相寫住：「今年給自己的生日禮物，在忙碌的拍攝進程，盡了全力，知道未是最好，但留下了一個紀錄一個里程碑，人生其中一件想做的事……」得到海量生日祝福，不過陳自瑤（YoYo）未有送上一句生日祝福及畀like，反而在發表對第三者的睇法，相當贈興﹗

陳自瑤：咁多男人唔鍾意係要搶人老公

陳自瑤在《那些我愛過的人》表現出色，備受讚賞，她在IG為貼出一段為好姊妹連詩雅出頭，狠狠地鬧爆搶連詩雅老公的麥皓兒片段，並引用最精警對白寫住：「好似你咁賤格嘅呢，我都係第一次見，咁多男人唔鍾意，係要鍾意搶人老公嘅……..」然後hashtag#點解呢個世界咁多綠茶婊#激死我#不知廉恥，句句鬧得入心入肺，一眾網民亦睇穿YoYo心中所想，留言問係咪「含沙射影？」「妳講到身同感受」、「應該現實妳都想講嗰句！」亦有人叫她「順便鬧埋搞你老公嗰啲呀」、「現實真係有好多賤女人，明知個男人有家庭有仔女都仲要日日搞人老公」似乎錐中Yoyo內心說話。