30歲陳瀅滯留溫哥華三個月 有富貴兵陪滑雪過情人節

原文刊於《東方新地》

陳瀅大假不似預期滯留溫哥華三個月

有宅男女神之稱的陳瀅，近年雖受無綫力捧但她並非野心勃勃之人，每年堅持休養生息，過去的農曆新年幾乎都向無綫請大假返加拿大，今年也不例外，1月底拍完劇集《伙記辦大事》即飛溫哥華過年，不過因新冠肺炎關係，她的大假由一個月變成三個多月，日前才飛返香港強制隔離，準備為新劇《七公主》開工。

富貴兵陪滑雪過情人節不愁寂寞

陳瀅的家人都在溫哥華生活，所以每年她都好期待放大假，知情者透露：「Jeannie（陳瀅）原本喺溫哥華留三星期就返香港，點知過年後全球爆發疫症，既然工作停晒，搭飛機又高風險，咪順理成章留耐啲，後來加國疫情都好嚴重，三月中仲封埋關，Jeannie變相滯留當地。初頭加國未有咁多確診，Jeannie同屋企人都有出去玩，其中一次仲有個富貴觀音兵傍實去滑雪，可能見嗰度多華人，同行保鑣睇得好緊，以防畀人偷影，佢哋仲一齊飛去拉斯維加斯玩，情人節都一齊過。」

異性緣超旺入行以來緋聞不絕

現年30歲的陳瀅有樣有身材，異性緣非常旺，入行以來緋聞不絕，最矚目莫過於2015年與何家四房長子何猷亨同遊日本札幌，戀情被踢爆，男方即安排她入住母親梁安琪名下豪宅物業，期間還傳婚訊，可惜拍拖不足一年宣布玩完，分手後曾被目擊並肩睇煙花而傳復合，今年初陳瀅又被影到坐猷亨的專用七人車收工返香閨，被指二人仍藕斷絲連，陳瀅回應時表示與舊愛再見亦是朋友。一日未結婚陳瀅都有權揀，不過單身女王身邊咁多富貴兵，有選擇困難症都唔奇。