陳展鵬台慶粉紅西裝被嘲亞視味濃 13字高EQ回應獲讚
廣告
《萬千星輝賀台慶》已於本於19日順利舉行，當晚除咗有唔少精彩嘅演出外，一眾出席藝人嘅造型亦係焦點之一。不過有神級吸睛造型，就當然會有炒車造型，當晚視帝陳展鵬嘅粉紅西裝就慘被網民指炒曬車兼亞視味濃！不過日前（24日）陳展鵬出席活動時就再提及此事，仲大方以13字高EQ回應……
陳展鵬13字高EQ回應「亞視裝」
陳展鵬日前出席活動後接受訪問，大方提及於台慶時被指亞視味濃嘅服裝，除咗直言該服裝佢哋冇得揀，因此自己都特意留鬚令成件事睇落man啲之外，仲透露老婆單文柔對於網民嘅意見都好想作出回應！不過陳展鵬就唔排斥之後再著粉紅色嘅服裝，更高EQ以13字表示：「冇亞視又點會有依家嘅陳展鵬」大方化解造型炒車一事。
網民大讚陳展鵬夠識做 大爆真人好有型
對於陳展鵬大方回應粉紅亞視裝，唔少網民就大讚陳展鵬好識做：「開始明點解TVB重用佢」、「亞視永恆原來講緊靠陳展鵬帶住亞視精神」、「咁回應又OK喎，不過亞視陣味真係太重」、「答得幾大方，好過有啲亞視藝員好怕人哋提自己亞視出身」更笑言陳展鵬嘅服裝已係當晚最好嘅造型：「佢已經算係全個show著得最好睇果個喇」、「其實算著得佢幾型」、「見過佢真人真心型, 有禮貌, 幾欣賞佢」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源： TVB (official)、亞視月曆、TVB、youtube@TVB USA Official、ig@rucochan
