陳展鵬直認曾頹廢爛蒲！撈地盤日薪300、爆與單文柔結婚唔係因為佢靚

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Mar 12 2022

陳展鵬上J2全新節目《人夫放假約出去滾》接受阿Bob林盛斌訪問，打住邊爐講入行至今的辛酸史，仲被Bob重提亞視出的娘味月曆卡。陳展鵬承認當年好頹廢，有段時間愛上夜蒲，曾遇事業谷底的他走去做地盤散工，唔使睇人面色日薪300；捱足廿年終於見岸，陳展鵬遇埋真命天女單文柔，改變他的一生。

陳展鵬18歲加入寶麗金兩年執笠歌星夢碎

陳展鵬的人生並非順風順水，近年演戲為主的他，其實有個歌星夢未圓，那時候唱片公司寶麗金睇中陳展鵬想簽他做歌手，當時他只有18歲，唔知有經理人同冇經理人的分別，盲樁樁走去唱歌，搞到電視台工作全面停止，他說：「其實都好失望，喺TVB都做咗一段時間，本身想雙線發展，但就只能夠二選一，然後1997年入咗去寶麗金唔夠兩年執笠。夢碎咗唔緊要，但冇錢，唔知之後點行，又唔想冇嘢入返TVB，唔想咁樣，然後好彩識咗出面電影公司人去拍電影，但唔夠一年又冇埋。」

陳展鵬陳展鵬當年選擇入讀無綫訓練班後，覺得好開心好好玩，但事業上絕對不是順風順水，更可以說是不如意。 — 陳展鵬當年選擇入讀無綫訓練班，同期同學有吳家樂、劉愷威、張松枝，當時覺得好開心好好玩，但事業上絕對不是順風順水，更可以說是不如意。（圖片來源：無綫影片截圖）

亞視年代陳展鵬備受力捧

陳展鵬回憶當年辛酸，他說：「我諗每一個人入呢行都會有不如意，頭兩、三年都覺幾辛苦，辛苦係捱唔到，冇時間休息，我以前做運動員係11點瞓，但去到TVB凌晨4點起身，放工又天光先放。個時拍戲唔興有凳，係啲大哥大姐先有得坐，我哋就企，有時十粒鐘。個段時間係要捱囉，生活節奏同體能搞唔掂。」

2000年陳展鵬去亞視重頭做起，02年至07年間拍下不少劇集，可算是亞視一線小生，亦因此被阿Bob笑指當時受力捧月曆卡都排頭幾位，陳展鵬尷尬笑，他表示在亞視年代最開心是可以有好多演出機會，能夠揣摩自己的角色和演繹方法，不用單靠模仿。陳展鵬早在加入亞視前（97-99年間）拍過不少低成本電影做主角，他忍唔住批評當持自己的演技只是「虛火」，相反亞視密集拍劇的5年磨練，卻令他更有空間建立一套自己的「演繹風格」。

陳展鵬 Bob重提陳展鵬在亞視影的娘味濃月曆卡。 — Bob重提陳展鵬在亞視影的娘味濃月曆卡。（圖片來源：無綫影片截圖）

陳展鵬陳展鵬與田蕊妮都是當年亞視力捧小生花旦。 — 陳展鵬02加入亞視，即與田蕊妮成為亞視力捧小生花旦。（圖片來源：亞洲電視圖片）

陳展鵬陳展鵬在2004年《我和殭屍有個約會III之永恆國度》飾演何有求又稱天逸先生／命運），戲份不多但角色關鍵，令觀眾印象深刻。 — 陳展鵬在2004年《我和殭屍有個約會III之永恆國度》飾演何有求（又稱天逸先生／命運），戲份不多但角色關鍵，令觀眾印象深刻。（圖片來源：東方新地）

陳展鵬 2007年亞視劇《笨小孩》，是沒有鄭則士的「肥貓」式劇集，陳展鵬飾演自閉兒童，與鮑起靜合演母子。 — 2007年亞視劇《笨小孩》，是沒有鄭則士的「肥貓」式劇集，陳展鵬飾演自閉兒童，與鮑起靜合演母子。（圖片來源：東方新地）

陳展鵬亞視年代的陳展鵬，與「游生」袁文傑爭做一哥，二人在2006年扮鬼扮馬，慶祝亞視播世界盃取得好成績。 — 亞視年代的陳展鵬，與「游生」袁文傑爭做一哥，二人在2006年扮鬼扮馬，慶祝亞視播世界盃取得好成績。（圖片來源：東方新地）

陳展鵬 2001年台灣華視《新楚留香》，飾演安南國世子的溫良玉，與任賢齊飾演的楚劉香有合作。 — 2001年台灣華視《新楚留香》，飾演安南國世子的溫良玉，與任賢齊飾演的楚劉香有合作。（圖片來源：東方新地）

陳展鵬去年被亞視小編將陳年劇集造型照變成炸雞閃卡！ — 去年被亞視小編將陳年劇集造型照變成炸雞閃卡！（圖片來源：東方新地）

陳展鵬事業低谷時

陳展鵬在訪問中直認自己生性頑皮，不過唔做犯法事，他表示入行後一高一低睇到好多嘢，他說：「嗰五、六年輸咗畀自己，做乜輸乜，個環境又差喎！我性格比較內斂，個樣又寸寸貢，唔會去主動搵人畀機會，後來愈來愈唔掂，焗住去敲門，臨時演員都去做吓，嗰時仲開始沉淪，去蒲吧唔知自己做乜……純粹去𥄫女，又冇錢，好頹廢。之後又教返打乒乓波又做地盤，地盤好搵日日Pay三嚿水，唔使睇人面色，做完嘢就走。」

陳展鵬陳展鵬表示在事業低潮期做乜都唔掂。 — 陳展鵬表示在事業低潮期做乜都唔掂。（圖片來源：無綫影片截圖）

陳展鵬有段時間全個人都負能量爆燈。 — 有段時間全個人都負能量爆燈。（圖片來源：無綫影片截圖）

返無綫人工4萬減至1萬老婆單文柔有初戀感覺

由亞視再返無綫，人工由4萬減至1萬，陳展鵬話交租都要8,000蚊，本打算食老本三年，再無起色就轉行，好彩又畀佢博到。近年事業算得意，陳展鵬更遇上單文柔，結婚生女同年發生，好幸福，他在訪問中自爆當年單文柔選港姐做評判已有私心，評「最上鏡小姐」時畀單文柔最高分，不過憑他一人之力都幫唔到單文柔拎獎，陳展鵬話年幾後才真正與單文柔有接觸，仲好大膽話：「當年佢都冇依家咁靚……結婚因為神推鬼㧬」同埋「年年都有港姐，原來我浪費咗好多機會。」陳展鵬表示單文柔畀到一種初戀的感覺，而且為人好單純，有讚冇彈。