陳家樂關智斌又開火！新節目《三夫當關》分享靚仔有咩著數

撰文、圖片：東方新地

陳家樂爆大鑊：Kenny關智斌逼人讚佢靚仔

家樂率先大爆Kenny喺開拍前不斷要人讚佢靚仔，Kenny直認：「我知道自己靚仔，但我冇表現到周圍話畀人聽，我好靚仔呢個感覺。」又指自己平日好謙遜，家樂同Angus登時你眼望我眼默契地唔出聲整蠱Kenny，勁搞笑。之後家樂又問Kenny：「你簽公司嗰陣，Mani有冇問過，點解要簽你？」 Kenny秒回：「靚仔囉！」令家樂、Angus不禁大笑！

三位主持分享：做靚仔真係特別多著數

作為靚仔，三位主持表示曾因為外表而著數多多。家樂自爆細個時喺快餐店工作，因為唔想做粗重功夫，所以撒嬌拒絕，成功令上司將佢調去做收銀。而Angus試過買魚蛋收平咗5蚊。Kenny仲犀利，入行前做售貨員時，成功喺大熱天時，氹到一班姐姐大買羽絨㖭！

Kenny主唱主題曲 MV玩即興show肌肉

講開《三夫當關》，節目主題曲〈頭頂有角〉由Kenny主唱，而Kenny話今次拍呢首歌嘅MV 完全玩即興：「歌詞講無論你幾咁古怪、點同人哋唔同都好，都要be yourself，勇敢去做好自己，可能你最古怪嘅就係你最可貴嘅嘢。MV入面嘅肢體動作、animation、graphic都落足心 思，刻意冇預先排舞，完全係即興玩free style。」最終效果更超乎想像！