《熟女強人》陳嘉桓肥腫大媽現形 瘦身前重災區任睇
陳嘉桓初出道時青春逼人，擁D Cup上圍有長腿，是不少男粉絲心中女神，不過女神經歷歲月洗禮，愈變愈大隻，三年前拍《反黑》為角色增肥，情況一發不可收拾，識飲識食汽水不離手，最終令陳嘉桓肥肉橫生，女神崩壞，更被封「肥桓」。
《熟女強人》客串做家姐
陳嘉桓身形突變對其演藝發展亦有影響，在ViuTV的熱播劇《熟女強人》中只撈到一個大配角角色，飾演朱鑑然的家姐，現實中的陳嘉桓28歲，朱鑑然31歲，不過拍埋男神身邊，陳嘉桓唔止肥腫難分似大媽，成個人都顯得好老。
陳嘉桓的起心肝撃脂
娛樂圈好現實，女藝人的身材就是搵食工具，近年陳嘉桓演藝事業停滯不前，是時候痛定思痛。早前陳嘉桓成為一間醫美外科中心的代言人，的起心肝接受撃脂療程，再加上忍口節食及運動，體重終於回落，體態雖不至回到少女時代，起碼回復S身形。為了公告自己瘦身成功及為醫美外科中心宣傳，陳嘉桓把瘦身前後的視頻放上IG，片中有大量肥腩、bye bye肉及虎背相，都好嘅！等陳嘉桓自己可以經常引以為鑑，唔好再畀自己變「肥桓」！
陳嘉桓 瘦身唔瘦胸
擁有D Cup上圍的陳嘉桓（Rose）日前以超性感造型拍攝瘦身廣告，胸前用「X」形布條將一對南半球夾出「人」字波，她直言為了今次拍廣告努力減磅，成功減了十幾公斤，力Sell瘦身唔瘦胸！
陳嘉桓身高5呎9吋半，擁有D Cup上圍，她直言為拍今次拍廣告，努力減去近十幾公斤肥肉，陳嘉桓笑言：「只係做咗啲溶脂療程，同埋調整吓自己平時嘅飲食習慣，戒汽水、戒糖，戒澱粉，盡量唔食宵夜，仲有做多啲運動，已經瘦咗差唔多十幾公斤，又冇影響D Cup身材，我自己都幾滿意。」
陳嘉桓表示溶脂療程助她在三星期內減了十幾磅，曲線再現之餘，變回初出道時的身形。
陳嘉桓表示今次拍廣告的酬勞有近百萬，非常可觀，她說：「差唔多有七位數字，所以都畀咗個幾大嘅動力我去減肥，希望可再減多六、七磅，恢復番以前大家認識嗰個陳嘉桓嘅感覺。」
陳嘉桓直言：「之前我係為咗拍網劇而增肥，後來遇上疫情，我就好似中咗『不瘦降』咁，經常喺家狂食，一餐食足三、四碗飯，肥咗接近二十磅，慘不忍睹，著靚衫時試拉唔上拉鏈。」
陳嘉桓透露接下來會拍攝微電影：「角色我經理人佢哋仲傾緊，因為佢哋話要等我瘦起嚟，睇吓我瘦咗之後係咩狀態，再考慮畀一個咩嘢角色我，因為佢哋話瘦嘅時候感覺比較少女一啲，肥嘅時候就好似個師奶咁，所以我就話：『唔得！唔可以再允許呢個感覺再發生。』」
陳嘉桓又話自己現在是單身無男朋友，跟有傳已分手的緋聞男友黃宗澤只是朋友，平時沒什麼聯絡。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
