《降魔的2.0》「瑠佩悅子」離開TVB 34歲劉芷希臨別秋波交足功課

原文刊於《東方新地》

《降魔的2.0》「瑠佩悅子」離開TVB

劉芷希個角色，馬明頭號偶像、著住底褲偷偷享受嘅日本AV艷星「瑠佩悅子」囉，仲要同女主角劉佩玥同音，明玩嘢喎！可惜劉芷希家在馬拉、父母年長又有個機師男友等佢，今個月正式宣布唔同邵氏續約，決定返馬拉繼承父親中藥生意仲會結埋婚㖭！

劉芷希臨別秋波交足功課

臨別秋波，Kimmy勤接訪問交代動向，一一向fans道別。日前就見佢應約接受訪問，又要趕住開工還片約，近近哋就喺電視城門口取景擺甫士。雖然入行時間唔長，又就快返鄉下，Kimmy工作態度依然一流，聽話聽教聽從攝影記者指示，影完相邊行邊傾笑容滿面，一睇就知呢次訪問記者夠晒貨交。不過唔使太惋惜住，Kimmy話暫別香港陪吓父母盡吓孝道啫，如果有劇集、廣告搵佢拍，仲會有機會返嚟㗎！

《降魔的2.0》馬明AV女神「瑠佩悅子」起底

擁有33D火辣身材的劉芷希（Kimmy）正式入行僅三年，近日先後憑在無綫劇《黃金有罪》飾演舞小姐「莫莉莉」，及在《降魔的2.0 》扮演馬國明心目中的日本 AV女神「瑠佩悅子」而人氣急升，但早前已完成與無綫三年合約的她卻選擇急流勇退，返回家鄉吉隆坡繼承父親的中藥批發生意，並與拍拖三年的飛機師男友拉埋天窗！

在《 降魔的2.0 》中已升呢做職業驅魔人的馬國明，依然鹹濕又麻甩，興奮地在家欣賞日本 AV 女優「 瑠佩悅子 」的香艷 DVD 碟《 仲夏夜之初體驗 》，可惜在對方除衫前，已被劉佩玥飾演的「 啤啤 」打斷。劉芷希飾演的AV女優角色名 「瑠佩悅子」 取自劉佩玥的同音字，除了女僕裝的Cosplay造型外，劇組更為她製作出一系列性感寫真集的封面照，足以以假亂真！

劉芷希暫別電視圈返大馬做人妻

劉芷希現年34歲，出生於馬來西亞吉隆坡，大學畢業於昆士蘭大學食品科學及營養系。2012年，Kimmy曾奪得在《中華小姐環球大賽》中奪得亞軍、「完美體態小姐」及「最高貴氣質小姐」三項殊榮。2017年，她再在香港參加《香港珠寶小姐》，獲冠軍後決定留港發展，並和TVB簽了三年合約。