鍾欣潼：「他挑的xx都很醜…」｜阿嬌自揭勁減磅方法｜阿嬌大爆香港擺酒婚禮細節！
撰文：東方新地｜圖片：影片截圖
阿嬌婚前婚後心境變化
阿嬌喺節目中表示，Michael會睇微博上嘅留言，當見到有網友惡意留言攻擊時，會唔開心及感到失落。相反，喺娛圈打滾多年嘅阿嬌會主動開導對方，希望老公唔好將網絡上嘅事擺喺心上。
阿嬌表示會安慰對方，同時以過來人嘅身份叫對方唔好太在意網上嘅批評，皆因無為為無聊嘅詆毀而浪費自己時間。
講到踏入人生新一頁，阿嬌自言自己心態上都產生咗變化，例如當兩人爭吵時，自己會用各種方式哄對方，避免不必要嘅吵架，畢竟吵架吵得多會傷感情！
另外，阿嬌更坦言：「因為他有說過，你買包不看價錢，我說沒有啊，我覺得我那麼辛苦，努力賺錢，但現在會顧慮到他的感受，我就不敢買。」，明顯依家變得更顧及另一半嘅感受。
阿嬌仲指自己好欣賞對方願意為她付出、克服一切困難：「我第一次跳傘，他是恐高的，本來是我自己一個人上去，但他聽到我要坐那個小飛機，他就陪我上去跳，很好笑，但其實很感動」。
大爆香港擺酒婚禮細節
鍾欣潼即將喺下星期於香港擺酒，當主持人大S問到挑選禮服係一齊揀定點時，阿嬌就大爆老公揀禮服嘅品味唔太好，直言：「我有跟他一起去挑，但他挑的都很醜。」，認真直接！
婚後寄望
講到對將來婚後有咩寄望，阿嬌就開始眼濕濕表示希望老公可以多啲返屋企睇家中長輩，皆因Michael好多時候因工作忙碌而過門不入，而且阿嬌亦曾有過失去親人嘅經歷，所以唔想老公到將來長輩不在世時才後悔。
延伸閱讀：
賴弘國晒與阿嬌地鐵「合照」被笑
賴弘國（Michael）近日就嚟咗香港，更喺個人社交網上載與阿嬌嘅合照，不過就唔係同真人，而係同阿嬌嘅廣告相合照，Michael更冧爆留言：「巧遇港鐵女神」仲tag埋老婆添！阿嬌見到亦都秒回老公：「hahahhahaaa」！
阿Sa搞笑留言
個個網友睇見佢兩個隔空甜蜜留言都話好閃，然而阿嬌好姊妹阿Sa就反而搞笑留言，指正賴弘國文法上嘅錯誤，話應該係「港鐵巧遇女神」先啱！
另一方面，距離香港婚禮仲有十幾日，阿嬌依然努力不懈繼續地獄式減肥計劃，日前更喺個人社交網上載自己嘅減肥餐，不過好彩都有有魚有肉，飲食均衡，相信阿嬌一定可以成功瘦身！
鍾欣潼自揭飲花膠湯勁減磅
然而，今個月20號就會同賴弘國喺香港擺酒嘅阿嬌最近就喺IG上載一條名為「阿嬌婚前減肥日誌」嘅兩段短片，記錄自己衝刺減肥嘅過程！
阿嬌在片中透露自己依家用梗嘅減肥方法，就係以花膠湯調理身體同補充能量，只吃肉同菜，戒甜食及澱粉質食物，加上做運動，短短幾日已經減了5、6磅，效果顯著！
大爆自己現時體重
阿嬌更公開自己體重，見到目前係 51.3 kg，即約 113 磅，骨骼肌 18 kg，至於體脂就 17.5 kg，不過阿嬌嘅目標係 45 kg，即要以99 磅弗爆身型成為賴太，結果企喺旁邊嘅教練即刻話「太瘦」！
大呻「唔得」嘅阿嬌仲緊張到用手比劃出婚紗嘅「蜂腰」，為咗做個最靚新娘，難怪佢立志要減多 5 至 6 kg！
有片睇！
賴弘國踢爆老婆阿嬌超難追
鍾欣潼（阿嬌）同老公賴弘國結婚就快有半年，上個月佢喺個人社交網上載同老公喺英國旅行嘅相，並留言：「英國之旅，多謝有你。#爸媽學前班」，令網民隨即猜測佢係咪懷孕，但原來只係兩公婆一齊參與內地真人騷節目《爸媽學前班》。
日前，《爸媽學前班》出街，阿嬌同老公不時喺節目中放閃，經常望住對方甜笑，而喺節目中賴弘國亦對老婆照顧有加。
兩公婆之前為拍攝節目而去到英國住宿，兩個人五件行李，不過賴弘國就一個人抬四個行李箱行樓梯上樓，而阿嬌就只輕輕鬆鬆拎一個喼，可見賴弘國幾錫老婆！
大爆冧女秘訣
賴弘國除咗會為老婆抬行李上樓，原來佢仲有一個寵妻秘訣！佢喺節目中就大爆自己會每日都讚老婆五次以上，而且佢更喺鏡頭前不斷讚阿嬌：「我老婆的五官是數一數二精緻的，她的眼神我覺得很清澈。」認真sweet到爆燈！
賴弘國曾送「女人最愛」被拒
其後，賴弘國更自揭追阿嬌嘅趣事，佢提到喺七夕嘅時候，曾經試過送一大束非常名貴的花到阿嬌在台北的寓所！
點知阿嬌原來唔鍾意收花，仲用短訊回覆佢坦言：「謝謝，但我最討厭花。」，之後阿嬌解釋指自己覺得送花好浪費，而且又冇實際意義，所以收到嗰束花後就直接放喺原位就算，郁都冇郁過 ，最後就由得啲花凋謝。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
