38歲阿嬌賴弘國分享婚後生活 爆老公為追女仔捨命跳傘
廣告
阿嬌鍾欣潼成為人妻後，成個人成熟咗又靚咗，最近同老公賴弘國一齊上內地綜藝節目，就大爆當年老公為咗追佢，差啲連命都無！
撰文、圖片：東方新地
阿嬌分享新婚生活爆當年結婚一蚊都唔使出
去年下嫁整容醫生賴弘國，正式成為人妻嘅阿嬌鍾欣潼，不時喺網上放閃，幸福滿瀉！近日阿嬌兩公婆為內地節目《花花萬物》擔任嘉賓，節目中二人大方分享新婚生活，賴弘國自爆當日肯捨命陪跳傘，終可抱得美人歸！
為追阿嬌畏高賴弘國捨命陪跳傘
節目中，阿嬌被問到幾時認定賴弘國係真命天子，阿嬌笑言：「為完成人生清單而想玩跳傘，他明明畏高，還陪我去跳，感覺很溫暖很浪漫。」賴弘國大呼好彩：「幸好當時去跳 了，但不會再跳第二次。」就係呢一跳，博得阿嬌歡心，娶到個咁正嘅老婆，乜都抵晒啦！
