鍾麗緹22歲混血索爆大女盡得49歲媽咪女神基因

新假期 - 影視

Mar 5 2020

廣告

曾是一代性感女神嘅鍾麗緹，自從與年輕12歲嘅內地藝人張倫碩再婚後，生活十分幸福快樂。除咗二人嘅放閃照成為媒體焦點外，鍾麗緹22歲混血大女Yasmine盡得媽媽真傳，被網民大讚索到啪啪聲！

撰文、圖片：東方新地

鍾麗緹三段婚姻三個女全跟繼父改姓張

曾經歷三段婚姻嘅鍾麗緹，與第一任比利時丈夫Glen Ross誕下混血大女Yasmine，之後與第二任台灣丈夫嚴錚再誕下二女Jaden及細女Cayla，至2017年嫁畀張倫碩後，鍾麗緹決定將三名女兒跟繼父改姓張，一家人亦相處融洽。

48歲鍾麗緹拍埋22歲囡囡Yasmine身邊，儼如一對姊妹花。

一直跟著媽咪生活嘅Yasmine，最近亦改咗一個中文名叫張敏鈞，跟隨了繼父姓張。

Yasmine遺傳咗媽咪嘅美人胚子，樣子非常標緻，同媽咪後生有得揮。

三姊妹雖然係同母異父所生，而且大家姐比兩個妹妹大足十年有多，不過佢哋相處得非常融洽。

22歲混血索爆大女課餘愛拍片有望入娛樂圈

轉眼間大女Yasmine已經 22歲長得亭亭玉立，鬼妹仔外貌仲似足媽媽，不單有精緻五官，仲有火辣身材，完全遺傳咗媽媽鍾麗緹嘅女神基因！據知Yasmine現正身處加拿大西門菲莎大學讀書，見佢平時都有同班同學拍吓短片，睇嚟好大機會步媽媽後塵進軍娛樂圈，不過以Yasmine嘅條件完全唔成問題啦！

Yasmine曾帶男友見媽媽及繼父，男友高大帥氣，二人相當合襯。

繼父張倫碩對三姊妹視如己出，一家生活幸福快樂。

Yasmine同兩個繼妹Jaden （右）及Cayla經常攬頭攬頸，感情要好。

關鍵詞

鍾麗緹女神