鍾溥敏被翻「出貓港姐」黑歷史 曾以諧音粗口批林峯 激嬲樂小姐冇運行
鍾溥敏 曾任無綫實習記者
現年39歲的鍾溥敏曾就讀樹仁大學新聞與傳理學系,讀大學期間於無綫新聞部擔任實習記者,2009年畢業前參選港姐,並獲得最佳首飾演繹獎,當屆冠軍為劉倩婷,同屆仲有袁嘉敏。
選港姐時鍾溥敏已是非多多,被爆讀大學一年級時因作弊被取消成績,而被傳媒封為「出貓港姐」,又被指鍾意夜蒲攬仔。
![鍾溥敏 2009年選港姐時的鍾溥敏為24歲,即將大學畢業。(圖片來源:新傳媒照片庫)](https://imgs.orientalsunday.hk/wp-content/uploads/2024/08/02_42638946166c5b6543d1dc-684x1024.jpeg)
以粗口諧音形容林峯
落選後鍾溥敏在電視城試鏡時曾見到林峯,之後她在Facebook以粗口諧音「ho 7」(即好×)來形容林峯真人,疑因此引起當時正力捧林峯的樂易玲不滿,令她最終未能簽入無綫。
與鍾溥敏同屆參選港姐的鄭寶源當日曾為她解畫,話:「可能Mandy只係覺得林峯同佢好似,因為佢係7號嘛!」所指的是鍾溥敏為當屆香港小姐的7號佳麗。
![鍾溥敏 不過早前電影《九龍城寨之圍城》大熱,鍾溥敏都有分享昔日同林峯的合照,相信是在09年所拍。(圖片來源:IG@mandymoonly)](https://imgs.orientalsunday.hk/wp-content/uploads/2024/08/08_20194758566c5b5af62967.jpg)
楊怡為林峯反寸鍾溥敏
當年未流行用社交網,事後林峯接受傳媒訪問,大方說:「我冇Facebook,亦冇留意呢單嘢,做得藝人預咗,呢啲係小事啫!唔當係咩一回事!」
而一同接受訪問的楊怡(現名楊茜堯)就指林峯係「ho 10」,意思係「十全十美」,同時寸爆鍾溥敏:「我覺得選得港姐就應該有教養,字眼方面要檢點啲!」
林峯和鍾嘉欣曾於2006年因拍《溏心風暴》而傳出緋聞,鍾嘉欣當日亦有力撐林峯,表示:「好愕然!林峯一啲都唔蠢、好叻。我覺得講粗口唔好,點解唔講有禮貌說話?人哋又冇傷害佢!」
![鍾溥敏 鍾嘉欣曾力撐林峯,大讚他「好叻」。(圖片來源:TVB)](https://imgs.orientalsunday.hk/wp-content/uploads/2024/08/10_82713165766c5b9ca5f2fd.jpeg)
鍾溥敏近年開始做演員
鍾溥敏曾於無綫和有線擔任過主持、主播,2016年成為蘋果日報副刊記者,期間進修香港大學社會科學學系碩士,並開始做演員,不過大都是無名角色,曾於電影《梅艷芳》飾演酒樓知客,及參演邵氏《飛虎之潛行極戰》及ViuTV《大誠實家》等劇集,亦有為ICAC拍攝宣傳片。
![鍾溥敏 鍾溥敏曾於電影《梅艷芳》飾演酒樓知客,與古天樂同框出鏡。(圖片來源:IG@mandymoonly)](https://imgs.orientalsunday.hk/wp-content/uploads/2024/08/15_4157486466c5ba396976e-1024x768.jpg)
鍾溥敏曾被徐太直斥「拆散了我的家」
2019年,鍾溥敏被爆戀上以女兒名字「徐緣」作筆名的徐俊文(Vincent),當時徐太曾發文直斥:「Mandy Chung鍾溥敏搭上徐緣Vincent Tsui,拆散了我的家」。鍾溥敏最初否認二人拍拖及做第三者,表示只知男方正辦離婚。
![鍾溥敏 鍾溥敏2019年與「徐緣」一起主持網上節目《沉悶偵探社》撻著。(圖片來源:IG@mandymoonly)](https://imgs.orientalsunday.hk/wp-content/uploads/2024/08/13_46666598066c5b609b0734-819x1024.jpg)
獲徐俊文在瑞士浪漫求婚
五年過去,鍾溥敏近日在社交網分享獲47歲男友徐俊文在瑞士浪漫求婚的喜悅,形容兩人經歷了「好多難關,好多妥協,非常多耐性同體諒。」又大讚「徐生果然多橋」,指對方想盡辦法令她開心,給了她一個非常難忘的求婚儀式。
![鍾溥敏 鍾溥敏獲男友徐俊文在瑞士浪漫求婚。(圖片來源:IG@mandymoonly)](https://imgs.orientalsunday.hk/wp-content/uploads/2024/08/18_120000711766c5bb8f338ed-1024x686.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!