鍾培生拍片分享有錢人點食麥當勞 加大再單點2樣嘢卻遭嘲小兒科

鍾培生玩Reels大受網民歡迎

鍾培生經常拍片在YouTube講大道理，近日在IG轉戰玩Reels的他，將以前的陳年舊YouTube影片重新剪輯後放上IG，令一條他去年10月上載過的影片再度翻紅，短短3日就已經有接近60多萬人睇過！

鍾培生食麥當勞要做3樣嘢

鍾培生去年10月在YouTube分享有錢人的生活方式，影片變成reels後再次翻紅。他以麥當勞做例子，真正的有錢人，是會做3樣嘢：「點先為之有錢呢，去食麥當勞唔使睇價錢就食，直接嗌加大，我覺得呢啲係貧窮限制你想像，如果畀我揀嘅話，無論係食任何餐都好，首先我會加$18雞鎚，之後再加$4.5嗌晒3個唔同嘅麥樂雞醬去用嚟點薯條，你試過未吖！你就咁食個普通薯條都係幾蚊包，你再加$4.5去點薯條，嗱，呢個就係王道喇！」

鍾培生被網民笑太小兒科

曾經打過「培生擂台」的霍哥，都忍不住留言表示佩服：「竟然係加雞脾，果然係富人思想😂」，不過有不少人表示太「濕濕碎」：「加一盒雞翼先正路」、「仲以為會話全部都單點」，反而部分網民的做法更加土豪：「我每次叫幾錢都會撳埋畀麥當勞兒童基金會」、「炸野一定要配沙律醬 買個魚柳飽用嚟點薯條」、「係叫佢即刻炸嗰啲薯條走鹽，跟住問佢拎多包鹽啊」、「我入親麥當勞都大叫 呢個round我嘅」、「我食麥當勞唔會叫餐，只會單點」、「我會叫多個餐，為咗飲多杯可樂」。

鍾培生坐擁淺水灣萬呎豪宅 訂製30萬冷凍艙鍛鍊超人體魄

鍾家人現居住於淺水灣5層過萬呎嘅獨立屋。不但坐落於淺水灣的黃金地段，家中的車房泊滿了一架架名車。萬呎獨立屋裡面不但有各式各樣的娛樂設施，麻雀房、酒房、Playroom、衣帽間等是基本設備，連工人姐姐都有自己獨立的一層房間！豪宅內不乏健身設備，早年已有露天標準擂台，而為了今次「培生擂台：無敵盃」，更訂製了一部價值30萬的「冷凍艙」，功能是操練後快速舒緩，採用液態氮輸出低溫，幫助運動員舒緩肌肉，同時又不會令身體凍傷！

限量靚車慢慢揸

跑車都有3架嘅鍾培生，話自己一個月都係揸2-3次。但係架架都貴到飛天，車牌都有埋唔同名，果然有錢人嘅生活係咁離地：

相關文章：【鍾培生】港富三代鍾培生豪宅生活曝光！唔只得紅色法拉利、原來香港都有咁大間屋㗎！

鍾培生美國大學畢業 炒股賺第一桶金

鍾培生早年就讀聖保羅男女中學附屬小學和聖保羅男女中學，17歲於美國南加州大學修讀數學與經濟，自言「數口精」。17歲的他就懂得借用家人的股票戶口，看準時機投資股票，第一次炒股就已經贏得20萬！後來，年滿18歲的鍾培生更開始醉心於衍生工具，憑炒賣高風險的期指贏得人生的第一桶金！