36歲鍾嘉欣 40歲胡杏兒合體鬥歌藝
片中正面拍著穿白色小背心牛仔褲的鍾嘉欣，一頭及肩短髮，與黑衫街坊裝的胡杏兒並肩而坐，初時Linda狂撥頭髮似乎略為緊張，杏兒則表現輕鬆，先由Linda唱出杏兒當年的名作〈幸而〉，雖然高音部份拿捏得略為有偏差，不過總算不俗，兩女又在社交平台分享二人相識經過。Linda寫道：
Singing 《幸而》with 杏兒.
It was a beautiful day spending some quality time with a dear friend I’ve met back in 2006. Thanks@hakkaphil We were newbies in the the singing industry. Her first song was 《幸而》while mine was 《發誓》in the album 金牌女兒紅. 《幸而》is my favourite song out of the entire album by the way. After, in 2008 we really became singers and then collaborated in 耀舞長安 in 2011, which kickstarted our friendship. Here’s a little something for you guys. It feels really cool for me to be in HK again singing my good friends song with her. Memories flow and I’m thankful for the relationship we still have
意指當年兩人同在2006年發展歌唱事業，而當時無綫有隻專輯《金牌女兒紅》收錄了不同劇集歌曲，當中包含胡杏兒的第一首劇集歌〈幸而〉及鍾嘉欣的第一首劇集歌〈發誓〉，之後2011年二人合作拍《耀舞長安》而成為好友，友誼至今未變。
其實2010年代，胡杏兒、楊怡、鍾嘉欣、徐子珊和陳法拉並列無綫五大花旦，雖然視后競爭極為激烈，不過仍無損二人的友情。
今次Linda回歸拍的無綫新劇《兒科醫生》(前名《兒童醫院》)，卡士強勁，有離巢三年的鄭嘉穎，大家理所當然以為鄭嘉穎、鍾嘉欣劇裡演一對，咁就錯嘞！其實劇中同嘉欣發展感情線，是該劇另一男一馬國明，啱啱認戀湯洛雯人氣火熱的馬明，人逢喜事精神爽，去年升呢做無綫視帝後，事業愈戰愈勇，走勢凌厲吸金能力拍住無綫一哥陳豪，新劇被安排擔大旗，力壓「鐵馬大哥」鄭嘉穎，認真今時唔同往日！
《兒科醫生》演員陣容超強勁
醫療劇集近年大受歡迎，除了11月開拍的《白色強人2 》，還有將開拍的中港合拍劇《兒科醫生》，演員陣容更是超強勁，除了有近年進軍影壇的鄭嘉穎回巢，男主角還有馬國明及羅仲謙，而劇中兩位女主角亦好有份量，分別是婚後已經移居溫哥華，近年幾乎絕跡無綫的鍾嘉欣，另一位則是近年在ViuTV大放異彩，在劇集《瑪嘉烈與大衛系列 綠豆》及《歎息橋》備受好評的周家怡。
鍾嘉欣300萬回歸 獲度身訂造角色
今次鍾嘉欣回歸，據知酬勞相當優厚，對於有傳更高達300萬，嘉欣亦未有否認，雖然18年鍾嘉欣曾客串劇集《再創世紀》，不過當時無綫專登移船就磡，將鍾嘉欣戲份全安排在溫哥華拍攝，但今次鍾嘉欣佔戲極重，需要留港開工四個月。據知情者透露：「因為嘉欣老公喺溫哥華係脊醫，嘉欣結婚之後，都將生活基地搬返去溫哥華，佢好緊張家庭，即使仲好享受工作嘅滿足感，但為咗照顧一對仔女，放下事業，只揀啲唔太困身嘅工作先做，好似拍廣告或者出活動、登台咁。不過，今次無綫邀請嘉欣復出好有誠意，套劇嘅監製方俊華，以前編導過嘉欣的《溏心風暴之家好月圓》、《公主嫁到》，大家合作慣晒，而無綫今次畀嘉欣嘅酬勞仲超高，角色又為嘉欣度身訂造，好有發揮，劇中嘉欣飾演兒科醫生，會同一班小朋友合作，對於做咗媽咪嘅佢，會係幾大挑戰！」
馬國明十三度演醫生 感情戲份力壓大哥鄭嘉穎
不過，女神鍾嘉欣回巢，劇中並不是與鄭嘉穎演一對，今次嘉欣與馬明演情侶，羅仲謙在劇中則是暗戀嘉欣，至於鄭嘉穎就與周家怡演夫婦。據幕後人員透露：「馬明形象健康討好，上年攞埋視帝之後，人氣同走勢大好，已經拍住無綫一哥陳豪，公司好睇重佢，今次套劇更安排佢孭重飛，雖然套劇係雙男一，但感情主線都落喺佢同嘉欣度，個勢明顯騎住鄭嘉穎！」正所謂「十年人事幾番新」，大家身邊另一半都唔同咗啦！地位人氣話變就變！
下一頁：馬國明醫生年資竟超過3000年？！ 盤點10套馬明飾演醫生的劇集
