金馬獎2023︳鍾雪瑩、余香凝影后之爭 一文即睇3大花生位！

金馬獎2023︳《白日之下》捧蛋 網民大感可惜！

有5項提名的《白日之下》，唔少網民都睇好，點知今次竟然捧蛋，特別係「最佳女主角」、「最佳女配角」，余香凝輸俾12歲的林品彤「爆冷了」「12歲有演技嗎？ 全是感情吧」「希望白日至少攞一個演技獎 私心想梁雍婷」「希望梁雍婷有著落」「梁雍婷演到我以為真係弱智人士 好可惜」

金馬獎2023︳《無間道》x《白日青春》開場！黃sir飛落嚟秋生架的士

《第60屆金馬獎頒獎典禮 》以唔同電影crossover開場，而最令人深刻一定係竟然將《無間道》聯乘《白日青春》！事關《無間道》其中最經典一幕就係梁朝偉睇住黃秋生跌落的士的一刻，剛好《白日青春》黃秋生就係演一位的士司機，2幕幽默連接！網民大讚表示睇到起晒睇雞皮「起曬雞皮，我真係好愛電影」「黃sir飛落嚟秋生架的士好x好笑」「神來之筆」「梁朝偉由無間道一路走過去色戒嗰part又係好笑」

金馬獎2023︳重演《周處除三害》邪教一幕 當場藤條打阮經天

「最佳新演員」搵嚟阮經天以及陳以文頒發，2人鬼馬重演《周處除三害》邪教教主一幕，陳以文拎起藤條仲真係當場打落阮經天背脊度！

金馬獎2023︳留言區內地網民大鬧：聽不懂，說國語！

《第60屆金馬獎頒獎典禮》得獎者有時會夾雜台語致謝詞，呢個時候開始留言區有唔少簡體字網民留言指自己聽不懂，要求說出標準的國語「聽不懂，說國語！」

後來「終身成就獎」得獎者陳坤厚得獎時，因為分享了10分鐘的得獎感言，大部分簡體字的網民認為佔據時間太長，而且亦有台灣口音夾雜著，開始留言大鬧「誰聽得懂？」「台下那些人真的聽懂嗎？」「太長了」「快聽睡著了」「十分鐘了」「真的有點久」「是誰把這長舌佬叫來的」「還沒叨完」「鼓掌讓他離開」「這老頭糊塗了」「青霞姐出來把他趕出去」

結果與繁體字網民掀起罵戰，認為陳坤厚已84歲，感言長一點無問題！「嫌棄人家台灣口音就別看 那麼發聽普通話就去看央視 有夠標準」「尊重下老人家，沒關係的」「不會尊重別人的，看來幹嗎？」「​人家花了60年在電影上 懂不懂尊重」「​好好看頒獎典禮，不要爭吵」「知道不可以用vpn嗎？」「10分鐘都等不了」