金剛同台灣女神女友首度情侶檔合作 拋胸晒C級身材兼奉旨𥄫仔

撰文、圖片：東方新地

金剛旅神團4女1男帶隊玩東京

近日二人首度以情侶檔合作，亮相ViuTV節 目《金剛旅神團》，Nana著上三點式大晒C級身材，更奉旨當正金剛面前喪𥄫仔㖭！ 節目由四位「旅」神，陳俞希、沈殷怡、余逸思、練美娟帶觀眾到東京及附近一 帶，四出發掘當地最抵玩嘅好去處，再由主持人金剛去作評價。

金剛女友拋胸現身奉旨𥄫仔

當中一集金剛女友 Nana驚喜現身，著上三點式爆乳浸溫泉，金剛喺女友面前秒變小綿羊，仲主動幫對方按摩，場面香艷。之後轉戰衝浪場體驗滑浪，由於滑浪教練太靚仔，Nana即時被電暈全程眼金金望實教練，搞到金剛不是味兒，點知女友後來挑戰衝浪失敗跌倒，金剛竟幸災樂禍大叫：「嗱，呢啲咪報應囉！」勁葡萄囉！