金像獎2023｜劉青雲鄭秀文成出爐影帝影后 即重溫二人台上得獎感言

第41屆《香港電影金像獎》最佳女主角得主：

今次是鄭秀文第十次入圍金像奬，賽前她已被譽為得獎呼聲最高的影后候選人，宣布得獎後，Sammi含淚講得獎感言：「其實最佳女主角呢個獎，對我嚟講從來都類似係遙不可及，又覺得只係一步之遙，喺咁多年其實我諗得最多唔係幾時或者點樣先可以得到呢個獎，而係點樣先可以喺演技上面有一個提升或者兌變。我想講其實由被人認定我係一個喜劇演員，到轉去做正劇，我所花嘅功夫、所行嘅路、遇到嘅好多困難同沿途上嘅不被認同，嚟到今日，我好感激《流水落花》嘅導演賈勝楓，由一開始就矢志不移咁相信我可以演繹呢個角色，亦都好多謝監製、編劇、戲入面好多演員，多謝整個團隊。」

Sammi又提及已離世的父親：「好多謝我喺天上嘅父親，我爸爸好鍾意藝術，佢曾經講過我每一次演出或者我投身藝術嘅工作，都好似圓咗佢畢生嘅夢咁，我好希望我攞呢個獎能夠喺你藝術嘅平台上面，拼湊出更美麗嘅拼圖，好多謝媽咪，我知道你喺電視機前面睇緊我，多謝我三個家姐，多謝我細佬，特別多謝我弟弟，因為佢由細到大都比我成熟，喺好多事情上，佢都用佢嘅智慧無條件去幫助我、扶助我，幫我解決好多嘅困難。」

Sammi續說：「我想同天下間有夢想嘅人講一聲：追尋夢想嘅路途係好困難重重，但我好想你記住我呢一刻，記住我攞獎呢個畫面，因為夢想係留畀永遠唔放棄同埋堅持嘅人，記住呢個畫面，係送畀天下間有夢想嘅人！最後我要多謝上帝，我要將今日嘅榮耀頌讚歸畀上帝！我要感謝你，冇畀一路順我，令懂得謙卑柔和，但我今日柔和唔到啦，我真係好開心呀，我今日終於唔使坐喺台下默默咁陪跑，我係衝線走過啦，多謝你哋！」最後她更High爆學修哥胡楓哼出「你知不知道，知不知道，我等到花兒也謝了」，引來全場掌聲不斷。

金像獎2023最佳女主角｜鄭秀文10度角逐影后 曾息影兩年調整身心

其實，這次並非鄭秀文第一次角逐影后，早在2000年，憑《孤男寡女》Kinki一角首度提名《第20屆香港電影金像奬》「最佳女主角」一獎；接著，於2001年再憑《鍾無艷》、《同居密友》、《瘦身男女》三套電影同時入圍《第21屆香港電影金像奬》「最佳女主角」，但後來都無緣奪獎。不幸地，後來因2006年拍電影《長恨歌》而患上抑鬱症，直至息影兩年，調整身心才再復出拍戲；接著，於2013年《高海拔之戀II》、2014年《盲探》、2020年《花椒之味》、《聖荷西謀殺案》提名「最佳女主角」，雖然9次入圍皆無緣奪獎，但是，今次在《流水落花》中飾演寄養家庭媽媽，演技出眾，奪獎呼聲甚高。

金像獎2023最佳女主角｜鄭秀文從未奪獎 直言：輸到連想贏嘅勇氣都冇

在過往的金像獎中，鄭秀文每次都大熱倒灶，空手而回，相信她都不敢再有期望。早前被問到，先拔頭籌奪《香港電影評論學會大獎》最佳女演員獎會否信心大增，鄭秀文就指沒有，因為入圍多年每次都陪跑，認為自己好像應份似的，雖然這個想法要不得，但是已紮根心底裏。來到今年，就算入圍都是以平常心去面對，直言有這個肯定已經好開心，更開心的是電影被選為年度推薦電影，對於一位新導演而言，是相當重要的一步。相信鄭秀文有這個肯定已很滿足。

金像獎2023最佳女主角｜鄭秀文素顏演出犧牲大

在戲中，因要照顧小孩無疑令人身心變得憔悴，鄭秀文為了入型入格，幾乎在片中素顏演出，她認為這個角色外貌不完美，因此，刻意以憔悴及皺紋的模樣呈現在大家眼前。鄭秀文認為，到了這個年紀演50幾歲模樣就要很誠實呈現50歲的狀態，不過，從影片中，鄭秀文即使素顏演出，也完全看不出已經50歲呢！

金像獎2023最佳女主角｜鄭秀文得獎訪問

金像獎2023最佳男主角｜劉青雲：掌聲、噓聲我都會接受

劉青雲上台表達得獎感言時表示很多謝楊受成博士投資電影，又寄語大家一定要堅持夢想，「如果大家有夢想，只要肯努力，夠長命，夢想就會有一日，好奇怪亦帶點遺憾咁去實現。不過，唔緊要世事豈能盡如人意，我仲要多謝鏡頭前嘅大家，熱愛香港電影、熱愛香港嘅朋友，掌聲、噓聲我都會接受，因為總好過無聲。多謝自己團隊以及我太太，佢地成日都見到神探，即係唔係呢套戲裡面，佢地用左超乎一般人能夠忍受既能力，佢地其實可以每一日接受一次核爆。」

17次提名金像獎「最佳男主角」 三度獲獎

劉青雲加入電影圈超過30年，總共17次獲提名金像影帝，在2007年憑住電影《我要成名》首奪影帝寶座。不過最經典的還是2015年劉青雲以大熱身份憑兩套作品《暴瘋語》和《竊聽風雲3》入圍，最後憑《竊聽風雲3》成功打敗彭于晏、黃渤和吳彥祖等對手，奪下演技生涯第二個金像獎影帝寶座。

當時楊千嬅率領《五個小孩的校長》的小孩頒發最佳男主角，其中有三位小朋友更選擇了青雲為影帝人選，青雲從小朋友手上接過獎項，他笑言：「多謝你哋，讓我知道我終於有番啲女性觀眾，但你哋肯定冇認錯我係古天樂？」隨後他除了向家人和工作夥伴致謝之外，更特別深情感謝老婆，創下「太空船」冧爆金句！

多謝我太太，女性觀眾鍾意聽。每次我揸太空船飛咗去宇宙唔知邊到時，你總有辦法令我安全返來地球。

金像獎2023最佳男主角｜劉青雲得獎訪問