野外步出2｜《造星》關嘉敏過檔邵氏被斥反骨哭訴得$0.8月薪對唔住阿媽

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Nov 3 2021

關嘉敏憑參加ViuTV《全民造星3》彈起，不過最後簽約邵氏被網民指倒戈相向，關嘉敏曾哭訴「呼吸都畀人鬧」，對於網民負評坦言好唔開心，直言抺殺了她付出的努力。無綫J2節目《野外步出2》第二集嘉賓是關嘉敏，她在節目中重提5年前瞞住家人簽約入行，組成跳唱組合「Bingo」，更被奶仔方紹聰問到喊，自覺發展未如理想，愧對家人。

撰文：東方新地｜圖片：[email protected]、無綫《野外步出2》影片截圖

《野外步出2》變《東涌結界》

《野外步出2》的第二集，主持奶仔方紹聰帶住關嘉敏去大嶼山行石澗，最後變成靈異片《東涌結界》，女主角關嘉敏雖然是跳唱組合出身，但她現在已簽約邵氏，未來會參與更多劇集及電影的拍攝，所以演技都要有番咁上下。

最後奶仔扮去廁所，留下關嘉敏自己一個，之後就發展出靈異結局。（圖片來源：無綫《野外步出2》影片截圖）

跟跳廣場舞

奶仔與關嘉敏早前曾一齊參加無綫的跳舞節目《盛舞者》，二人邊行邊傾偈，遇上一班老友記在跳廣場舞，他們即場搵其中一位阿姐Battle，施展渾身解數。

奶仔與關嘉敏融入老友記埋，一齊跳廣場舞。（圖片來源：無綫《野外步出2》影片截圖） — 奶仔與關嘉敏融入老友記堆，一齊跳廣場舞。（圖片來源：無綫《野外步出2》影片截圖）

重提往事感觸落淚

入行5年的關嘉敏，當初與其餘4個女仔組成跳唱組合「Bingo」，原來是瞞住家人簽約，她說：「其實當年我係任性地簽約，先斬後奏，媽咪知道後問『有冇搞錯？你都未經我同意！』鬧咗我好耐。我當時就好有信心，話條路係自己揀，承諾唔會令佢失望。但係，過咗5年依然令佢失望，知道自己搵得唔多，我好驚收糧單，令屋企人擔心。」

有一個糧單得8毫子，仲要畀阿媽見到，關嘉敏覺得好難過。（圖片來源：無綫《野外步出2》影片截圖） — 有一個月糧單得8毫子，仲要畀阿媽見到，關嘉敏覺得好難過。（圖片來源：無綫《野外步出2》影片截圖）

揭開糧單得8毫子

因為是跳舞組合，關嘉敏表示每個月除去抽佣、交通費與化妝整頭費，收入要分5份，根本所剩無幾。提起搵錢的辛酸，關嘉敏淚如雨下：「收入少嘅程度，係試過打開張糧單收8毫子，仲要畀阿媽見到，我當場笑住話有冇搞錯呀！得8毫子都有嘅！阿媽問我夠唔夠錢用，話過啲錢畀我，我就硬撐、死頂！佢愈擔心我覺得愈對佢唔住，我都想做出成績但做唔到，依然令佢失望。」

「BINGO」於16年成立，成員出出入入，由最初的5人變成現在只有關嘉敏（Carman）及陳善渝（Odilia）兩位成員，最左的子涓已離隊，現正參加《造星4》。（圖片來源：IG@carcar.carman） — 「BINGO」於16年成立，成員出出入入，由最初的5人變成現在只有關嘉敏（Carman）及陳善渝（Odilia）兩位成員，最左的子涓已離隊，現正參加《造星4》。（圖片來源：[email protected]）

關嘉敏鉍奶仔曾一起參加《盛舞者》，二人私底下非常老友。（圖片來源：IG@carcar.carman） — 關嘉敏同奶仔曾一起參加《盛舞者》，二人私底下非常老友。（圖片來源：[email protected]）

《野外步2》關嘉敏哭訴愧對家人

簽邵氏係經理人公司決定

關嘉敏早前出席活動時，回應被網民指倒戈一事，她強調ViuTV並沒有要與她簽約，而其經理人公司希望她向演員方向發展，並指「呢樣嘢唔係我可以話事﹗」及後表示尊重公司的決定﹗

關嘉敏爆簽邵氏真相被網民責倒戈感不快：抺殺咗我嘅努力 — 關嘉敏簽約邵氏，以「一日做幾百樣嘢」來形容工作量﹗（圖片來源：[email protected]）

關嘉敏：「我去第二個台就話我差﹗」

關嘉敏對負評坦言感到好唔開心：「我參加《造星3》時會支持我，但到去第二個台就話我差，咁好似抺殺咗我嘅努力，我係演藝行業嘅人，咁樣分開唔係咁好﹗」關嘉敏又爆緋聞男友CY（陳澤言）雖然有為ViuTV拍節目，但並未有獲ViuTV簽約旗下，CY現正物色經理人。關嘉敏將參與無綫一個拳擊真人騷，被問到可有擔心節目會被指抄襲ViuTV《G-1格鬥會》？關嘉敏話：「依家我嘅處境係做任何事都被人話，所以都係嗰句，做好自己，唔令支持我嘅人失望﹗」