鄭裕玲電台開咪哽咽 為香港感痛心：「要珍惜呢個屋企！」

編輯：Evita ｜圖片：Instagram | 原文：東方新地

鄭裕玲電台開咪哽咽

今日，Do姐於有份主持的電台節目《口水多過浪花》中，就最近因「逃犯條例」所引起的所有事件表達感受。節目一開始，Do姐已表示：「喺過去兩個禮拜，我去咗第二度，係為咗拍我一個節目，但係呢……喺當時，我哋收到好多關於香港嘅消息，睇到好多好心痛嘅場面，尤其是我哋香港嘅學生同埋年輕人。」

Do姐更一度控制不了自己的情緒，哽咽地說：「呢兩個禮拜其實我哋去咗好多地方，要坐好多車、好多飛機。但係最後嘅一程，就係我哋最盼望嘅一程，因為嗰程係飛返香港，香港係我哋嘅屋企嚟。發生咗好多事，屋企，係最緊要……（哽咽）I’m sorry，I’m getting old，所以好emotional （情緒化）下。」

為事件感到心痛的Do姐寄語：「我哋要珍惜呢個屋企，同埋尤其是我哋嘅年輕人，同埋學生。我好希望香港可以好快回復番平靜，我哋和平相處嘅狀態。中間我有同迪偉（余迪偉）傾過偈，我同佢講，其實我覺得呢，我係一個娛樂人，喺一個咁繃緊嘅狀況之下，我覺得我應該做番我嘅責任。」

Do姐續說：「《口水多過浪花》係一個娛樂、開心嘅節目，喺一個咁嘅氣氛之下，其實我哋應該發揮我哋自己嘅作用。我相信有好多人有好多嘅情緒，就算係我哋呢兩個禮拜去咗咁遠嘅地方，都好多情緒嘅牽動，我講完呢番說話之後，我哋可以令到人，喺呢個半鐘頭，鬆番少少、開心番少少，我就覺得係盡咗自己今日嘅責任。」

事後，有不少網民及聽眾於Do姐IG中留言打氣，「Do姐加油，香港人加油」、「我地會好好保護自己嘅地方」，同時有網民指「知道Do姐與我們的心連在一起，好感動。」希望大家加油！

除了Do姐，也有其他藝人因為相關事件於社交平台上發表感受。日前歌手張敬軒及容祖兒在Instagram上分別表示失眠，令粉絲擔心。

蔡卓妍、周柏豪、楊千嬅及鄭秀文等亦有出Post抒發感受。