周潤發笑鄭裕玲「移情別戀」鍾意小鮮肉被爆銀包藏合照突示愛冧爆Do姐

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Jun 29 2023

現年65歲的鄭裕玲（Do姐）離開無綫（TVB）後又有新動向，就是進軍YouTube界做埋YouTuber，開設個人頻道兼網上節目《The Do Show》。Do姐日前在IG預告頭炮嘉賓是「發哥」周潤發，單單是預告片，見二人又合照又送吻已經令人非常期待。首集的完整版在今午（29日）首播，兩位舊拍檔再聚談近況之餘，發哥更重提當年拍攝《網中人》時的「方法演技」，𠱁到Do姐勁開心。近半小時的訪問，二人仲錫足3次面，Sweet到呢！

鄭裕玲周潤發 Do姐指邀請咗發哥好耐，終於請到佢上嚟做訪問。 — Do姐指邀請咗發哥好耐，終於請到佢上嚟做訪問。（圖片來源：YouTube@The Do Show）

鄭裕玲周潤發做到《The Do Show》第一位嘉賓，發哥興奮錫了Do姐一啖。 — 做到《The Do Show》第一位嘉賓，發哥興奮錫了Do姐一啖。（圖片來源：YouTube@The Do Show）

鄭裕玲周潤發出動到發哥做呼籲，《The Do Show》未有影片已經破萬訂閱，影片推出後又多五千追蹤。 — 出動到發哥做呼籲，《The Do Show》未有影片已經破萬訂閱，影片推出後又多五千追蹤。（圖片來源：YouTube@The Do Show）

Do組離巢TVB八個月再有新動向過完冷河轉型做Youtuber

Do姐離開TVB八個月後再有新動向，就是進軍YouTube界做YouTuber，個人頻道《The Do Show》頭炮嘉賓請來合作無間的發哥。兩位舊拍檔重聚，當然要重提當年拍劇的點滴，Do姐直言很榮幸可以跟發哥合作：「都幾Proud，有個拍檔嘅成績係咁好。」發哥隨即回應：「我都Proud of你呀！」回想起1979年拍攝《網中人》首次飾演情侶，發哥大讚Do姐：「呢個女子不得了，又醒目、演技又好，我呢個女朋友冇得頂，我係好鍾意佢。但係死唔死呢，我離開咗佢呢，佢移情別戀鍾意子華神，後面鍾意農夫，依家鍾意小鮮肉。」

鄭裕玲周潤發兩位舊拍檔重聚，當然要重提當年拍劇的點滴。 — 兩位舊拍檔重聚，當然要重提當年拍劇的點滴。（圖片來源：YouTube@The Do Show）

Do姐大爆發哥「方法演技」

Do姐更大爆當時的一個小秘密：「你已經係用方法演技，點樣方法演技呢？我都唔知嘅，原來你做嗰個程緯，嗰陣時係興用wallet，你冇同我講嘅，入面你擺咗一張我同你嘅相。你又冇同我講到，有一日就唔知點樣拍外景，點解咁樣嘅？（發哥：每日都對住你）。係啦，呢個係乜嘢嘅方法？」發哥在Do姐耳邊輕聲說：「我掛住你，掛多個老婆」。𠱁得Do姐非常開心連講兩次：「唔好講啲咁嘅嘢。」

鄭裕玲周潤發回想起1979年拍攝《網中人》首次飾演情侶，發哥大讚Do姐：「呢個女朋友冇得頂」。 — 回想起1979年拍攝《網中人》首次飾演情侶，發哥大讚Do姐：「呢個女朋友冇得頂」。（圖片來源：網上圖片）

鄭裕玲周潤發發哥在Do姐耳邊輕聲說：「我掛你，掛多個老婆」，𠱁得Do姐非常開心。 — 發哥在Do姐耳邊輕聲說：「我掛你，掛多個老婆」，𠱁得Do姐非常開心。（圖片來源：YouTube@The Do Show）

發哥𠱁到Do姐勁開心

回想起劇中於銅鑼灣法院被判入獄的一幕，發哥說：「你喺個街度，我喺個囚車。我見住你，係喺個車入面反拍我，我喊到唔識收聲。（Do姐：我去探你監都係，唔識收聲。）個女朋友為我仆心仆命，死唔死呀你話。大碧姐（鄧碧雲），我媽又好，你又好，我真係好唔捨得你。」隨即再錫了Do姐一啖，Do姐笑到見牙唔見眼表示：「你真係𠱁死人，想鬧你都唔得。（發哥：唔好鬧我啦！）好在我寫低要問你乜嘢，如果唔係俾你𠱁到…」。

鄭裕玲周潤發發哥再錫了Do姐一啖。 — 二人重提1979年拍攝《網中人》的點滴，發哥再錫了Do姐一啖。（圖片來源：YouTube@The Do Show）

鄭裕玲周潤發發哥讚Do姐與時並進。 — 當然唔少得見到發哥嘅指定動作，就係Selfie！發哥仲大讚Do姐與時並進。（圖片來源：YouTube@The Do Show）

發哥想演較特別的角色

傾完往事就談下近況，Do姐問發哥配時會如何揀選工作，發哥直言較特別的角色才夠吸引：「阿晶成日都搵我做嘅，佢係寫好多劇本畀我睇。但係我睇完之後，又重複嗰啲、舊時嗰啲，我唔想，我想搵啲啲好特別啲。雖然我年紀大咗，但係都有啲唔同嘅表演方式。好似Jane Fonda同佢老豆，Henry Fonda咁拍一套《On Golden Pond》都可以㗎。」